Veiði

Veiði byrjar í Elliðavatni á morgun

Karl Lúðvíksson skrifar
Veiði byrjar í Elliðavatni á morgun.
Veiði byrjar í Elliðavatni á morgun. Mynd: Veiðikortið

Einn af vorboðunum ljúfu hjá veiðimönnum er klárlega fyrsti dagurinn í veiði við bakka Elliðavatns sem er ein helsta uppeldisstöð veiðimanna á höfuðborgarsvæðinu.

Veiði hefst á morgun Sumardaginn fyrsta og miðað við veðurspá þá má reikna með að það mæti margir við bakkann á morgun. Ís er að mestu leiti farinn af vatninu og en það er ansi há vatnsstaða eftir leysingar og rigningar síðustu daga. Ef það verður grámi í vatninu eins og oft á vorinn er best að nota litríkar straumflugur eins og Nobblera til að fanga athygli urriðans sem er oft býsna gráðugur svona fyrst á vorinn. Það þarf líka að veiða djúpt eða nota, eins og alltaf í vatninu, langa tauma og þyngdar straumflugur.

Þeir sem þekkja vatnið ekki vel og þurfa smá ábendingu um veiðistaði er af mörgu að taka. Það má til dæmis nefna að höfðinn við Elliðavatnsbæinn gefur oft vel á vorinn en þá þarf yfirleitt að ná út í álinn sem liggur milli höfða og engjabakkans hinum megin. Þar liggur urriðinn. Út af Þingnesi má líka oft gera fína veiði sem og við Riðhól. Á vesturbakkanum er oft fín veiði við Kríunes og í botni við stífluna. Elliðavatn er hluti af Veiðikortinu.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.