Veiði

Frábær veiði í Tungufljóti

Karl Lúðvíksson skrifar
Kristján Páll með stærðar birting úr Tungufljóti.
Kristján Páll með stærðar birting úr Tungufljóti. Mynd: Fish Partner
Birkir Már sem stóran birting úr Tungufljóti Mynd: Fish Partner

Það virðist loksins vera að rofa til í aðstæðum á sjóbirtingsslóðum fyrir austan og veiðitölurnar eru rosalegar.

Tungufljót hefur undanfarin ár verið eitt besta sjóbirtingssvæði landsins og ekki af ástæðulausu enda er veiðin þarna á vorin yfirleitt afskaplega góð og fiskarnir stórir. Það hafa verið erfiðar aðstæður undanfarið en það er loksins komið gott færi til að kasta flugu á svæðinu og veiðitölurnar bera þess klárlega merki.

Kristján Páll Rafnsson og Birkir Már Harðarson hafa verið við veiðar þar síðan á miðvikudag og hafa þangað til í gærkvöldi landað 58 fiskum og misst helling. Mest hafa þeir verið að fá 60-70 sm fiska en sá stærsti sem hefur komið á land er 86 sm. Veiðin hefur verið mest í Flögubakka, Syðrihólma, Hellisnes og Gæfubakka. Það er frekar reiknað með að veiðin dragist vel inní maí þar sem hefur verið afar kalt fyrir austan og það seinkar því að birtingurinn gangi niður og það þýðir bara að það geta verið veisla framundan. Það eru Fish Partner sem eru með Tungufljót á leigu og lausar stangir má finna á vef þeirra.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.