Veiði

Síðasta holl í Haukadalsá með 21 lax

Karl Lúðvíksson skrifar
SVFR hefur lengt samning um Haukadalsá um 5 ár.Laxi landað í Haukadalsá
SVFR hefur lengt samning um Haukadalsá um 5 ár.Laxi landað í Haukadalsá Mynd: SVFR

Haukadalsá hefur verið mjög vinsæl síðustu ár og áratugi enda er áin þægileg, nokkuð auðveidd og þrædd virkilega skemmtilegum veiðistöðum.

Haukan eins og hún er kölluð venjulega fór heldur rólega af stað en hollin sem hafa verið við veiðar voru ekki að ná nema tveimur til þremur löxum hvert holl og opnunarhollið sá ekki lax. Það er sem betur fer komin annar bragur á veiðina í ánni þessa dagana því holl sem lauk veiðum í gær landaði 21 laxi og einhverjir sluppu af færi veiðimanna. 

Það eru greinilega auknar göngur í ánna eins og í flestum ám á vesturlandi en laxinn er að koma nokkuð seinna en venjulega þetta árið. Það hefur svo sem gerst oft áður en það þýðir bara að göngurnar ná lengra inní júlí en venjulega og það veit á gott. Næsta stórstreymi er 15. júlí og sá straumur og flóðin fram að því eru líklega til að skila stórum hluta af þeim laxi sem kemur í sumar í árnar. Það er því ekkert leiðinlegt að standa við bakkann þessa dagana. 




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.