Veiði

Yfir 100 laxa holl í Laxá í Dölum

Karl Lúðvíksson skrifar
Tekist á við lax í Laxá í Dölum
Tekist á við lax í Laxá í Dölum Mynd: www.hreggnasi.is

Eftir ansi rólegar vikur í Laxá í Dölum er eins og eitthvað hafi spyrnt við þeim löxum sem áttu eftir að ganga í ánna.

Það er alla vega erfitt að útskýra þetta en breytir ekki þeirri staðreynd að holl sem er núna við veiðar er komið yfir 100 laxa og er að klára síðustu vaktina í dag. Talan gæti þess vegna endað í 120-130 löxum ef morguninn er góður og það er þá eitt besta ef ekki besta hollið í sjábærri á á landinu í sumar.

Það eru ekki einsdæmi um að svona lagað gerist, það er að lax komi stundum mjög seint í árnar og sérstaklega getur þetta átt við á vesturlandi. Laxa í Dölum var komin í 217 laxa þegar síðustu tölur voru birtar á miðvikudaginn var og eftir þetta holl er áinn þá líklega að detta í 350 laxa og á í raun sinn besta tíma inni sem er síðsumarið. 




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.