Veiði

Kroppa upp bleikju í Vífilstaðavatni

Karl Lúðvíksson skrifar
Bleikjan er farin a´taka í Vífilstaðavatni.
Bleikjan er farin a´taka í Vífilstaðavatni. Mynd úr safni

Vífilstaðavatn er mjög þægilegur áningarstaður fyrir veiðimenn á höfuðborgarsvæðinu og það eru margir sem skjótast þangað í smá stund seinni part dags eftir vinnu.

Eins og í mörgum vötnum er veiðin best snemma á morgnana og á kvöldin og það gera sér nefnilega nokkur margir stundum ferð í vatnið eftir vinnu til að veiða seinni partinn sem er oft bestur. Það verður kannski seint sagt að það sé einhver mokveiði í vatninu en þeir hörðustu sem þekkja vatnið eru engu að síður yfirleitt að fá eina eða tvær bleikjur þegar það er kíkt í vatnið.

Það gefur langsamlega best að vera með litlar flugur og veiða þetta grunna vatn við botninn á þessum árstíma. Þegar það fer svo aðeins að vota og púpan fer að klekjast þá fara yfirborðsflugur að gefa líka. Þarna þarf að vaða aðeins út í, nota langa og granna tauma, leyfa flugunni að sökkva og draga löturhægt inn. Litlar dökkar flugur eru yfirleitt að gefa vel eins og Svartur Taylor, Mobuto, Killer og Alma Rún eða sambærilegar flugur í stærðum 14-16#. Svo styttist í að Elliðavatn opni en ísinn er að hverfa mjög hratt af vatninu sem verður vonandi íslaust fyrir fyrsta veiðidag á sumardaginn fyrsta.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.