Veiði

Eyjafjarðará fer vel af stað

Karl Lúðvíksson skrifar
Flottur sjóbirtingur úr Eyjafjarðará þann 1. apríl
Flottur sjóbirtingur úr Eyjafjarðará þann 1. apríl Mynd: Elli Steinar

Það var eins og víðast hvar á sjóbirtingsslóðum ansi kalt í veðri og það var eiginlega ekki hægt að tala um vorveiði heldur vetrarveiði við Eyjafjarðará við opnun.

Það kom samt ekki að sök og á opnunardeginum 1. apríl var 21 fiski landað og einhverjar fréttir eru af fleirum sem duttu af. Þetta var sjóbirtingur í ýmsum stærðum en mest vænn fiskur alveg upp í 80 sm fiska. Greinarhöfund rekur ekki í minni að hafa heyra af vilíka opnun þar síðustu ár eða áratugi og það er vonandi að þetta sé bara byrjunin á því sem áin gæti boðið á næstu árum. 

Það hefur nefnilega verið þannig eins og víða að það hefur verið mikið drepið af fiski í ánni, þá sérstaklega sjóbirting sem er mjög viðkvæmur stofn en með auknu átaki í að hvetja veiðimenn ti lað sleppaþá er þetta árangurinn og það er vel. Mesta veiðin er á neðri svæðunum og er það yfirleitt fram í maí þó það fari oft aðeins eftir því hvernig vorar. Sjóbleikjan fer síðan að mæta um lok júní en þangað til er greinilega nóg um að vera í sjóbirting til að halda mönnum við efnið.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.