Veiði

Vefsala SVFR opnuð

Karl Lúðvíksson skrifar

Búið er að opna fyrir vefsölu Stangaveiðifélags Reykjavíkur og þar er að finna þau lausu veiðileyfi hjá félaginu sem fóru ekki í úthlutun.

SVFR hefur mikin fjölda veiðisvæða á sínum snærum og þeirra þekktust í laxveiðinni eru líklega Langá, Haukadalsá, Straumfjarðará, Sogið, Gljúfurá og Elliðaárnar. Það sem vekur athygli þegar vefurinn er skoðaður er mikill fjöldi lausra daga í Elliðaánum en það á sér skýringar í þeirri ákvörðun stjórnar að banna maðkveiði og ap öllum laxi skuli sleppt. Var þessi ákvörðun tekin til að vernda stofn ánna en frekar. Það vakti ekki mikla lukku hjá þeim sem veiða í ánum með maðk en þeir sem hafa ánægju af því að veiða bara á flugu og sleppa laxi ættu að stökkva hæð sína því það er úr miklu að velja þarna í sumar og þú færð líklega hvergi jafn ódýr laxveiðileyfi, með jafn góðri veiðivon og jafn stuttu ferðalagi.

Silungssvæðin sem eru hjá SVFR eru mörg en líklega er Laxá í Mývatnssveit og Laxárdalurinn þekktust af þeim. Það er að venju mikil eftirspurn eftir leyfum á þessum svæðum en það má þó finna eitthvað af lausum leyfum. Ásókn í Laxárdalinn hefur aukist mikið eftir að veitt og sleppt var tekið upp á svæðinu enda hefur urriðanum bara fjölgað og hann stækkað mikið. Það er ekki undantekning í dag að fá 60-70 sm urriða þarna nánast daglega á einhverja stöng.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.