Atvinnulíf

Forstjórinn sem byrjar daginn á því að horfa á fallegu konuna sína

Rakel Sveinsdóttir skrifar
Þorsteinn Pétur forstjóri Deloitte.
Þorsteinn Pétur forstjóri Deloitte. Vísir/Vilhelm

Forstjóri Deloitte, Þorsteinn Pétur Guðjónsson, segist byrja daginn á því að horfa á fallegu konuna sína. Þorsteinn er þessa dagana að vinna í stefnumótun ásamt því að búa sig undir annasamt haust, sem án efa mun hafa áhrif á svefnvenjurnar.

Þorsteinn Pétur er gestur kaffispjallsins að þessu sinni. Við spyrjum alltaf um það hvenær fólk vaknar á morgnana, hvað er það fyrsta sem það gerir þá og hvenær fólk fer að sofa. Við spyrjum líka um skipulagið og helstu verkefni.

Hvenær vaknar þú á morgnana?

Ég er yfirleitt að vakna á milli sex og sjö á morgnanna en það mun örugglega breytast þegar tvíburarnir koma í september.“

Hvað er það fyrsta sem þú gerir á morgnana?

„Horfi á fallegu eiginkonu mína.“

Breyttist sumarfrí fjölskyldunnar eitthvað hjá ykkur vegna Covid?

„Við höfum farið til suður Spánar síðustu sumur í tvær til fjórar vikur og hefðum án efa planað slíkt frí þetta árið með börnunum og tengdamömmu hefði ekki verið fyrir Covid.

Við fjölskyldan fórum í staðinn í frábæra 11 daga hringferð um Ísland og nutum samverunnar saman og því sem Ísland hefur upp á að bjóða.“

Þessa dagana vinnur Þorsteinn Pétur að nýrri fjögurra ára stefnu Deloitte.Vísir/Vilhelm

Í hvaða verkefni ertu að vinna helst í þessa dagana?

„Ég er bæði að vinna að innanhúsmálum og sinna viðskiptavinum mínum. 

Þá er ég einnig að drífa áfram nýja fjögurra ára metnaðarfulla stefnu félagsins.“

Hvernig skipuleggur þú þig í vinnu?

Ég reyni að forgangsraða eftir bestu getu, nýti til dæmis morgnanna þegar ég fer snemma á fætur til að lesa yfir og svara ólesnum tölvupóstum og fer yfir dagskrána yfir daginn.

Ég er líka með frábært fólk í kringum mig sem er mér innan handar þegar kemur að þessum málum.“

Hvenær ferðu að sofa á kvöldin?

„Á miðnætti.“


Tengdar fréttir

Alltaf þrisvar í kalda pottinn og margt sem lærðist af kórónuveirunni

Í kaffispjalli um helgar er rætt við fólk í ólíkum störfum og í þetta sinn er það Sigrún Kjartansdóttir framkvæmdastjóri Mannauðs sem situr fyrir svörum. Sigrún skellir sér snemma í ræktina á morgnana og veigrar sér ekkert við að fara í kalda pottinn í sundlauginni.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×