Veiði

Endurbætt veiðihús við Tungufljót

Karl Lúðvíksson skrifar
Nýja veiðihúsið við Tungufljót er allt hið glæsilegasta
Nýja veiðihúsið við Tungufljót er allt hið glæsilegasta Mynd: Fishpartner

Verulegar endurbætur hafa átt sér stað í veiðihúsinu við Tungufljót en eldra húsið var orðið mjög slappt og var orðið þyrst í að láta taka sig í gegn.

Í frétt frá Fish Partners segir: "Nú er endubótum að innan í eldra húsinu lokið. Það er einnig á stefnuskránni að lappa uppá nýrra húsið í náinni framtíð en það verður ekki fyrir þessa vertíð sem er jú handan við hornið. Við vonum að vel eigi eftir að fara um gesti okkar í veiðihúsinu við Tungufljót á komandi árum.  Við stefnum á að bjóða upp á uppábúið og þrif en erum enþá að leita að þjónustuaðila til að taka það að sér, Þangað til græja veiðimenn og konur þetta sjálf eins og verið hefur. Þú getur skoðað myndir af húsinu hér."

Tungufljót er eitt af nýjum svæðum hjá Fishpartner en félagið hefur vaxið mikið síðustu ár og hefur innan sinna banda mörg spennandi svæði en sérstaklega þykja þeir standa sig vel í framboði á hálendisveiði en eftirspurn eftir veiðum á víðáttum landsins hefur vaxið mikið undanfarin ár.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.