Veiði

Veiðin byrjar á morgun

Karl Lúðvíksson skrifar
Það var kuldalegt við Varmá á fyrsta veiðidegi 2019 en veiðni var samt fín.
Það var kuldalegt við Varmá á fyrsta veiðidegi 2019 en veiðni var samt fín. Mynd: www.svfr.is

Þá er biðin á enda hjá veiðimönnum og langþráður dagur sem markar upphaf veiðisumarsins 2020 loksins runninn upp.

Veiðin hefst að venju 1. apríl svo það eru líklega margir sem eiga erfitt með að festa svefn í kvöld ef það er veiðidagur framundan. Svæðin sem opna fyrst eru vorveiðisvæðin í sjóbirting og hefur eins og síðustu ár verið mikil eftirspurn eftir dögum og færri komist að en vilja. Þar sem erlendir veiðimenn verða ekki við veiðar einhverja dagana hefur mikið verið spurt eftir lausum dögum hjá leigutökum og greinilegt að Íslendingar eru að grípa tækifærið og stökkva á þessa lausu daga.

Það verður örugglega fjör við bakkana á morgun þökk sé hlýju veðri síðustu daga sem hefur brætt drjúgan part af sköflunum við bakkana en ekki alveg þó. Það er ennþá mikill snjór inn til landsins og fyrir norðan er á sumum svæðum langt í að þau verði almennilega veiðileg sökum ís á ánum. Eins og venjulega liggur straumur veiðimanna á suðurland og þá sérstaklega ársvæðin undir jökli en fyrstu fréttir af veiði detta líklega inn fyrir hádegi og það verður spennandi að heyra frá þeim sem standa vaktina.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.