Veiði

Veiðitorg að toppa úrvalið

Karl Lúðvíksson skrifar
Veiðitorg er með mikið úrval af veiði í lax, urriða og bleikju.
Veiðitorg er með mikið úrval af veiði í lax, urriða og bleikju. Mynd: KL

Nú er aðeins rétt rúmar þrjár vikur í að veiðitímabilið hefjist og veiðimenn komnir á fullt með að skoða möguleika á skemmtilegri veiði fyrir komandi tímabil.

Við höfum verið að skoða framboðið hjá veiðileyfasölum og þegar úrvalið er skoðað hjá Veiðitorg er ljóst að það dettur inn smá valkvíði. Það er mikið úrval af skemmtilegum veiðileyfum hjá þeim og varla hægt að velja bara eitt. Þar má til dæmis finna leyfi í Fnjóská, Brunná, Deildará, Eyjafjarðará, Jöklu, nokkur urriðasvæði í Laxá, Lónsá, Mýrarkvísl, Vatnsdalsá, Skjálfandafljót, Hörgá, Kolku, Fljótá, Breiðdalsá og Selá í Álftafirði og þetta er aðeins brot af því sem þeir bjóða uppá.

Það er reglulega gaman að fara í gegnum vefinn og skoða það sem er í boði. Ágætar upplýsingar fylgja veiðisvæðunum ásamt korti af staðsetningu og af nokkrum veiðistöðum. Það má alveg gleyma sér þarna í góðann tíma við að pússla saman skemmtilegri veiði og það sem meira er, þú átt líklega eftir að finna svæði þarna sem þú hefur annað hvort aldrei heyrt um eða aldrei veitt, kannski bæði. Byrjaðu daginn á að kíkja á www.veiditorg.is



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.