Atvinnulíf

Nýsköpun: Engir vatnsbrúsar í maraþonhlaupi í London

Rakel Sveinsdóttir skrifar
Notpla vatnspúðarnir líta út eins og litlir ísklakar. Þeir springa í munni eins og tómatar.
Notpla vatnspúðarnir líta út eins og litlir ísklakar. Þeir springa í munni eins og tómatar. Notpla

Þann 1.mars næstkomandi verður hálfmaraþon hlaupið í London þar sem hlauparar fá litla vatnspúða afhenta í stað vatnsbrúsa úr plasti. Vatnspúðarnir eru í raun litlir plastlausir pokar og þá má borða. Sé þeim hent eyðast þeir upp á svipaðan hátt og laufblöð af trjám. Það skýrist af því að uppistaðan í þeim er þang og plöntur. 

Þessar nýju umbúðir heita Notpla og er einn forsvarsmanna þeirra Pierre-Yves Paslier. Hann segir þróun púðana hafa hafist árið 2013, fyrst sem háskólaverkefni. Í fyrra fengu Pierre og félagi hans rúma milljón dollara í fjármagn og nú nýverið ríflega 5 milljónir dollara.

Pierre lýsir umbúðunum við litla tómata því þegar þú setur þá upp í munninn og bítur springa þeir. Það er einnig hægt að fá poka sem fólk bítur þá í eins og rifu á horn á umbúðum og drekkur síðan úr. Notpla var í boði fyrir hlaupara í maraþoninu í London í fyrra og mæltust þá vel fyrir. Að sögn Pierre borðuðu 30-40% hlauparanna umbúðirnar en aðrir hentu þeim frá sér. Ekkert bragð er af umbúðunum.

Þessar umhverfisvænu umbúðir eru þó ekki líklegar til að leysa vatnsbrúsa af hólmi. Skýrist það af smæð þeirra. Eins þyrfti að þurrka af þeim ef þær stæðu lengi á borði því hugmyndin er að notendur borði þær.

Notpla hefur nú til prófanir umbúðir fyrir tómatsósu og mæjones á veitingastöðum Notpla

Engin tómatsósubréf á veitingastöðum

En frekari vöruþróun er framundan með auknu fjármagni. Næst er að skoða umbúðir fyrir einstakar vörur þekktar í smávöruformi. Sem dæmi má nefna tómatsósubréf og mæjonesbréf fyrir veitingastaði. Prófanir á slíkum umbúðum eru nú þegar hafnar í samstarfi við veitingakeðjuna Just Eat í London.

Að sögn Pierre hefur aukin meðvitund neytenda líka hjálpað til. Æ fleiri eru farnir að forðast notkun á vörum í óumhverfisvænum umbúðum. Þetta geri það að verkum að æ fleiri fyrirtæki eru opin fyrir því að prófa nýjar lausnir frá frumkvöðlum.

Dottið í það á umhverfisvænan hátt?

Enn ein varan sem hefur vakið athygli frá Notpla er kölluð „Ooho.“ Nafngiftin er sögð tengd þeim viðbrögðum sem viðskiptavinir sýna þegar þeir fá „Ooho“ hendurnar. Eins og sjá má nánar í meðfylgjandi myndbandi er vatn ekki innihaldið í „Ooho“ heldur áfengi.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.