Bílar

Range Rover Evoque vinsælastur í sínum flokki hjá lesendum Auto Motor und Sport

Kristinn Ásgeir Gylfason skrifar
Range Rover Evoque.
Range Rover Evoque. Vísir/BL

Range Rover Evoque var í vikunni kjörinn „Besti innflutti minni sportjeppinn“ (Best Imported Compact SUV) hjá lesendum þýska tímaritsins Auto Motor und Sport. Jaguar F-TYPE tók þriðja sætið í flokki innfluttra blæjubíla (Best Imported Convertibles).

Lesendur hrifnir af Jaguar Land Rover
Lesendur tímaritsins völdu Evoque sem besta innflutta sportjeppann í sínum flokki vegna fallegrar nýtískuhönnunar, mikilla og fjölbreyttra þæginda sem bíllinn býr yfir. Þar að auki þótti nýstárleg tækni bílsins bera af, eins og það var orðað á verðlaunahátíð Auto Motor und Sport sem fram fór í Stuttgart þar sem Felix Bräutigam, viðskiptastjóri hjá Jaguar Land Rover var til að veita báðum verðlaununum viðtöku.

Bräutigam sagði af þessu tilefni að verðlaun tímaritsins, „The Best Cars Readers’ Choice“ væru ákaflega mikilvæg fyrir bílaiðnaðinn vegna álits lesendanna sem verðlaunin byggjast á.

„Þess vegna erum við svo stolt yfir áliti þeirra sem velja Jaguar Land Rover ár eftir ár í skoðanakönnunum Auto Motor und Sport,“ sagði Bräutigam.

Aftur og aftur á verðlaunapalli
Bílar frá Jaguar og Land Rover hafa átt mikilli velgengni að fagna á undanförnum misserum, ekki síst þegar kemur að vali á því sem kallast „Best Cars Avards“.

Til dæmis var Evoque af fyrstu kynslóð valinn bæði besti innflutti sportjeppinn í sínum flokki 2015 hjá lesendum tímaritsins ásamt því að vera valinn besti torfærubíllinn í sínum flokki 2015, 2016 og 2017. Að þessu sinni var Jaguar F-TYPE sjötta árið í röð á verðlaunapalli á hátíð Auto Motor und Sport, en verðlaunabíllinn var fyrst kynntur í desember sl. og er nýkominn á markað. Þá var Jagur I-PACE valinn bíll ársins 2020 af BÍBB, Bandalagi íslenskra bílablaðamanna.


Tengdar fréttir

Jaguar I-Pace er bíll ársins 2020

Bandalag íslenskra bílablaðamanna (BÍBB) hefur valið bíl ársins. Jaguar I-Pace hefur hlotið nafnbótina að þessu sinni. Annað sætir hreppir Audi e-tron quattro og í þriðja sæti er Mercedes Benz EQC.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.