Bílar

Nýr Kia Sorento frumsýndur í Genf

Kristinn Ásgeir Gylfason skrifar
Nýr Kia Sorento
Nýr Kia Sorento Vísir/Askja

Ný kynslóð Kia Sorento verður frumsýnd á alþjóðlegu bílasýningunni í Genf í byrjun mars.

Kia Sorento er flaggskip sportjeppa suður-kóreska bílaframleiðandans og hefur verið mjög vinsæll hér á landi sem og víða erlendis undanfarin ár. Þetta er fjórða kynslóð þessa stóra sportjeppa.

Nýr Sorento er mjög mikið breyttur í hönnun miðað við forverann eins og sjá má á fyrstu myndum af nýja jeppanum sem Kia sendi frá sér í dag. Sorento kemur nú með nýjum undirvagni úr smiðju Kia sem mun bæta enn frekar aksturseiginleika bílsins.

Afturendi Kia Sorento Vísir/KIA

Kia Sorento kom fyrst fram á sjónarsviðið árið 2002 og hefur selst í meira en þremur milljón eintaka á heimsvísu.

Þá verður nýja kynslóð sportjeppans í boði með Hybrid tækni sem hefur þegar verið kynnt í þremur af bílgerðum Kia; XCeed, Niro og Optima. Sorento verður einnig búinn nýjasta tæknibúnaði m.a. með háþróuðum aksturs- og öryggiskerfum sem og fyrir afþreyingu.

Sorento er stærsti bíll Kia og býður upp á mjög mikið pláss fyrir farþega og farangur. Sorento er góður fyrir íslenskar aðstæður enda búinn fjórhjóladrifi.


Tengdar fréttir

Rafbílasýning hjá Öskju

Bílaumboðið Askja heldur Rafbíladag Kia í Kia húsinu að Krókhálsi 13, á morgun, laugardag klukkan 12-16. Þar verður lína vistvænna Kia bíla sýnd.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.