Ögmundur hélt hreinu | Samantekt dagsins

Ögmundur Kristinsson hélt hreinu með Larissa í Grikklandi og Ari Freyr Skúlason var í sigurliði hjá Oostende í Belgíu. Þá voru þeir Aron Sigurðarson og Aron Bjarnason í byrjunarliði sinna liða.

Ari Freyr Skúlason spilaði allan leikinn er Oostende vann St. Truiden 1-0 í belgísku úrvalsdeildinni. Oostende er í 14. sæti af 16 liðum með 21 stig þegar 24 umferðir eru búnar.

Aron Sigurðarson spilaði 62 mínútur er Union Saint-Gilloise vann gamla Íslendingaliðið Lokeren 2-0 á útivelli í Belgísku B-deildinni. Aron og félagar í Union St. Gilloise eru í 4. sæti í öðrum af tveimur riðlum belgísku B-deildarinnar.

Ögmundur Kristinsson hélt hreinu þegar Larissa gerði 0-0 jafntefli við OFI Crete í grísku úrvalsdeildinni. Larissa er í 9. sæti með 25 stig.

Þá spilaði Aron Bjaranson 57 mínútur er Újpest tapaði 0-1 á heimavelli fyrir MOL Fehérvár FC. Újepst er í 7. sæti af 12 með 24 stig eftir 18 umferðir.