Viðskipti innlent

Þrítugar 757-þotur þurfa að endast lengur hjá Icelandair

Kristján Már Unnarsson skrifar
Boeing 757 við skýli Icelandair á Keflavíkurflugvelli. Boeing hætti framleiðslu hennar fyrir 16 árum.
Boeing 757 við skýli Icelandair á Keflavíkurflugvelli. Boeing hætti framleiðslu hennar fyrir 16 árum. Stöð 2/Sigurjón Ólason.

Icelandair gerir ekki ráð fyrir að MAX-þoturnar nýtist félaginu næsta sumar og neyðist því til að halda elstu Boeing 757-þotum sínum enn lengur í rekstri. Meðalaldur þeirra hjá félaginu er orðinn 24 ár. Fjallað var um málið í fréttum Stöðvar 2.

Forstjóri Icelandair lýsti um miðjan desember bjartsýni um að 737 MAX-vélarnar flygju á ný í maímánuði í vor og að þær myndu þannig nýtast á háannatíma sumarsins. En í gær birtust fréttir af því að Boeing-verksmiðjurnar teldu sig þurfa enn lengri tíma í samvinnu við alþjóða flugmálayfirvöld til að koma Möxunum aftur í rekstur.

Tvær af MAX-vélum Icelandair á Keflavíkurflugvelli í október, daginn sem þær voru ferjaðar til Spánar. Vísir/KMU.

Samkvæmt upphaflegum áætlunum Icelandair áttu alls fjórtan Maxar að vera komnir inn í reksturinn á þessu ári; níu vélar áttu að vera komnar inn á síðasta ári og síðan áttu fimm að bætast við á þessu ári. 

Icelandair segir í tilkynningu í dag að vegna ráðstafana, sem þegar sé búið að grípa til, verði áhrifin á útgefna sumaráætlun félagsins óveruleg. Þannig sé búið að leigja inn þrjár Boeing 737-800 vélar. Jafnframt neyðist félagið til að halda fjölda Boeing 757 véla lengur í flota félagsins, sem áður stóð til að taka úr notkun eftir því sem MAX-vélarnar kæmu inn og leystu þær af hólmi.

Boeing 757 í viðhaldsskýli Icelandair. Vísir/sigurjón

757-vélarnar eru mun óhagkvæmari í rekstri, eyða fjórðungi meira eldsneyti á hvert sæti, auk þess sem viðhaldskostnaður þyngist eftir því sem aldurinn færist yfir þær. Boeing hætti framleiðslu þeirra fyrir sextán árum og er meðalaldur 757-véla Icelandair núna 24 ár. Elstu vélar félagsins eru um þrítugt, sú elsta árgerð 1989, samkvæmt upplýsingum á flugvefsíðunni Planespotters. 

Forstjórinn Bogi Nils Bogason sagði fyrir mánuði að Icelandair stefndi að ákvörðun fljótlega á nýju ári um næstu skref í flotamálum. Menn bíða spenntir eftir því hvort félagið muni snúa sér að Airbus-þotum.

Hér má sjá frétt Stöðvar 2:


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
HEIMA
1,48
6
45.229
SKEL
0,95
12
279.306
ARION
0,59
8
85.806
SYN
0
1
8.111
SJOVA
0
1
180

Mesta lækkun dagsins


Félag
Br.%
Fjöldi
Velta*
VIS
-1,5
8
181.765
FESTI
-1,06
3
69.776
TM
-0,91
3
32.700
ICEAIR
-0,72
8
22.507
KVIKA
-0,48
2
64.325
Velkomin á Vísi. Þessi vefur notar vafrakökur. Sjá nánar.