Bílar

Framtíð Suzuki Jimny í Evrópu í hættu

Kristinn Ásgeir Gylfason skrifar
Nýjasta útgáfan af Suzuki Jimny hefur verið afar vinsæl.
Nýjasta útgáfan af Suzuki Jimny hefur verið afar vinsæl. Vísir/Suzuki

Suzuki gæti þurft að hætta að selja Jimny í Evrópu. Þetta kemur til vegna strangari reglna um losun koltvísýrings.

Samkvæmt reglunum verða framleiðengur að ná meðal losun heilt yfir undir 95g af CO2/km. Þessi regla tekur ekki gildi fyrr en á næsta ári en áhrif hennar eru þegar farin að koma í ljós.

„Þetta ár gengur allt upp hjá okkur það er við fáum allar Jimny bifreiðar sem við erum búin að panta,“ segir Sonja G. Ólafsdóttir markaðsstjóri Suzuki.

„En staðan er óljós með næsta ár, það kemur í ljós með framhaldið fljótlega,“ bætti Sonja við.

Samkvæmt heimildum Autocar í Bretlandi selur Suzuki meira af Jimny í Evrópu en af umhverfisvænni kostum sínum eins og Ignis eða Swift. Jimny losar 154g/km í beinskiptri útgáfu en sá sjálfskipti losar um 170g/km. Það þarf því þónokkuð að seljast af bílum sem losa minna til að vega á móti Jimny.

Suzuki er um þessar mundir að kynna létt hybrid útgáfu af Vitara jeppanum, sem verður fyrsti hybrid bíll Suzuki í Evrópu. Þá eru uppi áform um að S-Cross noti sömu 48V hybrid tækni og er í Vitara. Swift mun svo fá 12V kerfi.

Líklegast mun Jimny snúa aftur á markað í Evrópu eftir breytingar á vélinni. Enn er óvíst hvenær það verður.


Tengdar fréttir

Forvali lokið fyrir Bíl ársins

Nú hefur forvalsnefnd lokið vali á þeim bílum sem keppa til úrslita um nafnbótina Bíll ársins að mati Bandalags íslenskra bílablaðamanna (BÍBB).



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.