Flugvirkjar samþykktu kjarasamning

Félagsmenn Flugvirkjafélags Íslands samþykktu kjarasamning félagsins við Icelandair, sem undirritaður var þann 31. desember síðastliðinn. Atkvæðagreiðslan, sem var rafræn, hófst í síðustu viku og lauk á miðnætti.

Icelandair greinir sjálft frá niðurstöðum atkvæðagreiðslunnar í tilkynningu til Kauphallarinnar núna á þriðja tímanum. Í tilkynningunni segir ekki hvernig atkvæði skiptust eða hve mörg greiddu atkvæði.

Með samþykktinni tekur kjarasamningurinn gildi. Gildistími hans er til áramóta.