Veiði

Nú er tími hnýtinga

Karl Lúðvíksson skrifar

Nú er nýtt ár hafið og það þýðir bara eitt hjá stangveiðimönnumnefnilega að nú eru bara rétt þrír mánuðir þangað til veiðitímabilið hefst að nýju.

Þessir þrír mánuðir eru fljótir að líða þegar tímanum er varið í að skipuleggja veiðitúra komandi sumars en ekki síður er bæði skemmtilegt og bráðnauðsynlegt að láta tímann líða aðeins hraðar með því að setjast niður og hnýta flugur. Það er algjör viðbót við ánægjuna sem þú færð út úr veiðinni þegar þú veiðir á flugur sem þú hnýtir sjálfur, þetta þekkja veiðimenn vel.

Það er hægt að prófa sig áfram með flugur sem eru þín eigin hugarsmíð ásamt því að hnýta það sem þú notar mest. Margir hafa þann háttinn á að kaupa eina flugu í gerð af þeim sem á að hnýta eftir og þrátt fyrir að þú sért nýbyrjaður eða nýbyrjuð að hnýta þá er árangurinn fljótur að sýna sig og með fleiri hnýttum flugum verða þær bara betur og betur hnýttar. Það er líklega best að byrja á einföldum flugum eins og silungapúpum áður en farið er að hnýta flóknari flugur eins og laxaflugur með fjöðrum. Það sem síðan gerir þetta að góðum kosti fyrir þá sem veiða mikið er að það má spara sér ansi mikin pening með að hnýta sjálfur en það eru fáir að hugsa kannski um þann þáttinn því ánægjan sem fylgir því að hnýta eigin flugu undir og fá á hana flottan fisk er ekki metin til fjár.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.