Viðskipti innlent

Öllum starfsmönnum b5 sagt upp

Hallgerður Kolbrún E. Jónsdóttir skrifar
Skemmtistaðurinn b5 í Bankastræti hefur þurft að segja upp öllu sínu starfsfólki vegna rekstrarörðuleika.
Skemmtistaðurinn b5 í Bankastræti hefur þurft að segja upp öllu sínu starfsfólki vegna rekstrarörðuleika. Vísir/Vilhelm

Öllum starfsmönnum skemmtistaðarins b5 hefur verið sagt upp vegna erfiðrar fjárhagslegrar stöðu staðarins. Faraldurinn hefur farið illa með rekstur staðarins og hefur ekki verið hægt að greiða leigu fyrir húsnæðið síðastliðna þrjá mánuði.

Þórður Ágústsson, eigandi skemmtistaðarins b5 í Bankastræti, segir að fyrirtækið hafi klárað alla sína sjóði og að hann hafi sjálfur lagt til fjármagn í reksturinn. Nú þurfi hann að meta hvort það sé þess virði að hann haldi „áfram að ausa fjármunum inn í eitthvað svarthol til að geta greitt fasteignafélaginu Eik leigu upp á von og óvon um það hvort ástandið lagist. Svarið er nei,“ sagði Þórður í viðtali sem birtist í Morgunblaðinu í morgun.

Staðurinn hefur verið lokaður frá því í mars og hafa tilslakanir á samkomubanni lítið hjálpað en skemmtistaðir hafa þurft að loka fyrir miðnætti alla daga og eins og er kunnugt hefur helsta tekjulind þeirra verið að skemmta fólki eftir miðnætti um helgar. Innkoman hefur því að sögn Þórðar verið sáralítil.

Sjá einnig: Lokunarstyrkur dugði fyrir rúmlega helmingi af mánaðarleigu

Þórður hefur áður gagnrýnt fasteignafélagið Eik sem hækkaði leiguna á b5 eftir að kórónuveirufaraldurinn skall á og er hún nú 3,5 milljónir á mánuði. Þórður gagnrýnir aðgerðir stjórnvalda og segir ekki nóg vera gert fyrir fyrirtæki sem orðið hafa fyrir miklu fjárhagslegu tjóni vegna faraldursins.

„Yfirvöld hafa lokað fyrirtækinu hjá mér. Þetta var gott fyrirtæki með frábæra sögu og í blússandi rekstri. Hvers vegna fær til dæmis leigufélagið að vera með algjörlega frítt spil? Af hverju er það ekki skyldað til að taka líka á sig byrðarnar?“ spyr Þórður.

Í kjölfar þess að fjallað var um rekstrarörðuleika b5 fyrr í sumar sagði Bjarni Benediktsson fjármála- og efnahagsráðherra í viðtali að þeir rekstraraðilar sem hafi þurft að loka rekstri vegna opinberra tilskipana ættu að hans áliti sanngjarna kröfu um stuðning ríkisins vegna þess. Ekkert hefur þó bólað á slíkum aðgerðum.


Tengdar fréttir

Skemmtistaðaeigendur fóru yfir stöðuna í gærkvöldi

Rekstraraðilar bara, veitinga- og skemmtistaða í miðbænum keppast nú við því að þvo hendur sínar af því að vera einn fimmtán veitinga- og skemmtistaða sem Lögregla heimsótti í nótt og fylgdu ekki sóttvarnarreglum með viðunandi hætti.

„Eins og djammið sé það versta sem hefur komið fyrir“

Meðeigandi skemmtistaðarins B5 segir aðstæður skemmtistaða afar slæmar. Þá gagnrýnir hann viðhorf yfirvalda til næturlífsins og á bágt með að trúa að meiri smithætta sé þar en á öðrum stöðum þar sem mikill fjöldi kemur saman. 





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ICEAIR
2,13
95
511.938
SJOVA
0,33
3
98.930
VIS
0,14
8
155.374
SKEL
0
2
1.492

Mesta lækkun dagsins


Félag
Br.%
Fjöldi
Velta*
BRIM
-1,81
6
80.980
ARION
-1,78
30
830.706
MAREL
-1,74
33
790.237
SIMINN
-1,6
12
154.150
ICESEA
-1,6
37
280.301
Velkomin á Vísi. Þessi vefur notar vafrakökur. Sjá nánar.