Sport

Var búinn að dreyma um það í átta ár að eignast CrossFit

Óskar Ófeigur Jónsson skrifar
Eric Roza er sjálfur í frábæru formi enda elskar hann CrossFit af líf og sál og gefur ekkert eftir við æfingar.
Eric Roza er sjálfur í frábæru formi enda elskar hann CrossFit af líf og sál og gefur ekkert eftir við æfingar. Getty/Brent Lewis

Nýr eigandi og yfirmaður CrossFit samtakanna hefur nú endanlega gengið frá kaupunum á CrossFit en hann er fyrir löngu farin að vinna að breytingum á stjórnháttum innan samtakanna.

Í færslu á Instagram síðu sinni staðfesti Eric Roza að hann væri búinn að ganga frá öllum lausum endum en þar kom líka fram annað athyglisvert.

Eric Roza sagði frá því að hann hafi dreymt um það í næstum því heilan áratug að því að komast í leiðtogahlutverk innan CrossFit samfélagsins.

Hér fyrir neðan má sjá þessa færslu Eric Roza, mannsins sem er á góðri leið með að bjarga CrossFit samtökunum frá Greg Glassman og sjálfseyðingu sinni.

CrossFit heimurinn reis upp og nú er tími Greg Glassman á enda og tími Eric Roza tekinn við.

View this post on Instagram

We did it!!! The acquisition is officially through its final step this morning, just over eight years since I began working towards my dream of leading CrossFit someday. I am so grateful for the opportunity to devote the rest of my life to building the world s leading platform for health, happiness and performance. This is a powerful reminder that with hard work, an amazing team, and a little luck, dreams can come true! Speaking of hard work and amazing teams, the CrossFit team has been working hard on our key initiatives around DEI (Diversity, Equity and Inclusion), Affiliate Support, and holding a world-class 2020 CrossFit Games, and I have some exciting updates to share. I look forward to being with you at our next live Community Town Hall on YouTube Live on August 19 at 10am PT/1pm ET/6pm GMT. Shoot any questions in advance to townhall@crossfit.com. A big virtual hug of gratitude and partnership to the entire CrossFit Community we re going to crush it together! - e

A post shared by Eric Roza (@rozaeric) on

„Okkur tókst það. Yfirtakan er formlega gengin í gegn eftir lokaskrefið í morgun. Það eru aðeins meira en átta ár síðan að ég fór að vinna að því að upplifa draum minn að leiða CrossFit samfélagið einn daginn,“ skrifaði Eric Roza á Instagram síðu sína.

„Ég er svo þakklátur fyrir tækifærið að tileinka það sem eftir er af mínu lífi til að byggja upp fremsta vettvang heimsins þegar þegar að heilsu, hamingju og frammistöðu. Þetta er sterk áminning um það að með mikilli vinnu, stórkostlegu teymi og smá heppni þá geta draumar ræst,“ skrifaði Eric Roza.

Eric Roza sagði líka að CrossFit samtökin hafi unnið markvisst að því vinna að endurbótum innan samtakanna og að lykilbreytingum í DEI stefnumótun CrossFit sem huga að Diversity, Equity og Inclusion eða fjölbreytileika, réttlæti og því að CrossFit sé fyrir alla.

Roza hefur lagt mikla áherslu á að búa til gott samband og styðja við systurfélögin og CrossFit æfingastöðvarnar út um allan heim. Nú hefur líka verið stefnan sett á að halda heimsklassa heimsleika í næsta mánuði.

Eric Roza tilkynnti líka um leið að hann ætli að halda opinberan fund með CrossFit samfélaginu sem verður sendur út beint á Youtube. Hann bauð áhugasömum að senda inn spurningar á townhall@crossfit.com sem hann mun síðan reyna að svara á þessum fundi sem fer fram 19. ágúst næstkomandi.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.