Veiði

Mikið líf í Varmá

Karl Lúðvíksson skrifar
Bjartur Ari með flottann birting úr Varmá í gær
Bjartur Ari með flottann birting úr Varmá í gær Mynd: www.svfr.is

Varmá gleymist stundum þegar verið er bóka stutta veiðitúra á miðju sumri sem er skrítið því einmitt þá er oft frábær veiði í ánni.

Bjartur Ari var við veiðar í gær með vini sínum Guðmundi Kára og voru þeir varir við mikið magn af fiski á flestum svæðum. Sjóbirtingarnir voru eins og tundurskeyti þegar þeir komu á fullri ferð upp ánna, þeir voru varir við göngurnar á bökkum en einnig sáu þeir fiska ganga fyrir ofan þjóðveg.

Þeir félagar fengu fimm sjóbirtinga og misstu eitthvað svipað, einn af þeim misstu voru víst algjör skepna sem var aldrei undir 80cm! Heitustu staðirnir voru Bakkar, Gamla Stífla, Teljarinn og síðan breiðan fyrir neðan rörið neðan við Reykjafoss. Flestir fiskarnir tóku litlar straumflugur en sá stærsti tók svartan Dýrbít og mældist birtingurinn 65cm og alveg hnöttóttur!

Bjartur segir að hann hafi aldrei séð jafn mikið af fiski í ánni og núna, göngurnar sem komu upp voru rosalegar og hylurinn bókstaflega lyftist þegar þær straujuðu í gegn. Það er án efa kominn fiskur upp fyrir Reykjafoss og er það svæði talið það skemmtilegasta í ánni. Við viljum benda þeim á sem eru að fara í Varmá að loka öllum hliðum á eftir sér.

Fréttin er af vef SVFR.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.