Viðskipti innlent

24 milljörðum lakari staða en gert var ráð fyrir

Gunnar Reynir Valþórsson skrifar
Ríkissjóður stendur verr en gert var ráð fyrir.
Ríkissjóður stendur verr en gert var ráð fyrir. Vísir/vilhelm

Heildarafkoma ríkissjóðs var neikvæð um 39 milljarða króna í fyrra sem er um 24 milljörðum lakari niðurstaða en endurskoðuð áætlun ársins gerði ráð fyrir. Þetta kemur fram í endurskoðuðum ríkisreikningi fyrir árið 2019 sem Fjársýslan birti á dögunum og Hagsjá Landsbankans fjallar um í dag. 

Fjárlög ársins 2019 gerðu ráð fyrir að heildarafkoma yrði jákvæð um 29 milljarða og því hefur oðið til neikvæður munur upp á tæpa 70 milljarða miðað við fjárlög. 

Landsbankinn segir að greinilega megi sjá sjá á ríkisreikningi ársins 2019 að tekið var að þyngja á í hagkerfinu. Bankinn bendir á að árin tvö á undan hafi lokaniðurstaða ríkisreiknings verið í góðu samræmi við samþykkt fjárlög en í fyrra var róðurinn greinilega orðinn þyngri. 

Þá segir að erfitt sé að gera samskonar samanburð fyrir árin á undan þar sem stöðugleikaframlög og álíka óreglulegir þættir höfðu mikil áhrif á lokauppgjör ríkissjóðs, segir í Hagsjá Landsbankans sem bætir við að heildarskuldir ríkissjóða eins og þær birtast í efnahagsreikningi hafi um síðustu áramót verið um 1.920 milljarðar og höfðu þá hækkað um tuttugu prósent milli ára að nafnvirði.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×