Erlent

Konungur Sádi-Arabíu lagður inn á sjúkrahús

Kjartan Kjartansson skrifar
Salman konungur við opinbera athöfn í október. Hann er 84 ára gamall.
Salman konungur við opinbera athöfn í október. Hann er 84 ára gamall. Vísir/EPA

Salman bin Abdulaziz, konungur Sádi-Arabíu, var lagður inn á sjúkrahús í Ríad vegna bólgu í gallblöðru. Konungurinn, sem er 84 ára gamall, gengst nú undir rannsóknir, að sögn ríkisfréttastofu landsins.

Heimsókn Mustafa al-Kadhimi, forsætisráðherra Íraks, til Sádi-Arabíu var frestað eftir fréttirnar af veikindum konungs, að sögn Reuters-fréttastofunnar. Salman hefur gegnt embætti konungs frá 2015 en hann var áður krónprins, varaforsætisráðherra og ríkisstjóri í Ríad.

Næstur í valdaröðinni er Mohammed bin Salman krónprins sem stýrir konungsdæminu í reynd. Þrátt fyrir að hann hafi í upphafi vakið athygli fyrir ýmsar umbætur hefur verið gengið hart fram gegn andófsfólki í stjórnartíð hans.

Þá vakti morðið á Jamal Khashoggi, sádi-arabískum blaðamanni og gagnrýnanda stjórnvalda í heimalandinu, í Istanbúl árið 2018 óhug um allan heim. Bandaríska leyniþjónustan telur líklegt að Salman krónprins hafi skipað fyrir um morðið.

Sádi-Arabía
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið