Rafíþróttir

Dusty mætir Fnatic í Northern League of Legends Championship

Ólafur Hrafn Steinarsson skrifar
B9FE76FE5914DE9D83D967AC5D32799A5B4A52C48A8EC4BA72598B5CC4C6CCD5_713x0

Dusty mætir Fnatic í NLC í dag klukkan 17:00 í þriðju keppnisviku NLC keppninnar og er þar á ferðinni risa leikur fyrir íslenskt rafíþróttalið. Fnatic er einn af risunum í rafíþróttum og ekki oft sem íslenskt lið fær svona fræga andstæðinga. 

Dusty keppir í Northern League of Legends Championship (NLC) og mættu þeir danska liðinu Tricked í fyrstu umferð. Sá leikur tapaðist með tæpasta mun en Dusty svaraði fyrir tapið með sigri gegn breska liðinu MnM í viku 2.

Í viku 3 spilar Dusty tvo leiki og er sá fyrri í dag kl 17:00 gegn einu stærsta rafíþróttaliði heims, Fnatic. Fyrir þá lesendur sem eru ekki kunnugir heimi rafíþrótta þá er Fnatic eitt af allra stærstu rafíþróttaliðum heims með milljónir aðdáenda um heim allan. Liðið hefur unnið til ótalmargra verðlauna á heimsvísu í öllum stærstu tölvuleikjum sem keppt er í. 

Það gefur því auga leið að verkefni Dusty í kvöld er erfitt en íslenska liðið hefur sýnt mikinn kraft á þessu fyrsta keppnistímabili sínu í NLC og ætla sér að halda áfram að koma öllum á óvart.

Seinni leikur Dusty í annarri keppnisviku er svo gegn hinu nýstofnaða, írska liði, Munster Rugby Gaming sem er rafíþróttaangi eins stærsta Rugby liðs heims. Sá leikur er á morgun klukkan 18:00. 

Báða þessa leiki er hægt að horfa á í beinni útsendingu á BBC Sport eða í gegnum streymisveituna Twitch á slóðinni www.twitch.tv/nlclol



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.