Veiði

Laxá í Dölum með 15 laxa opnun

Karl Lúðvíksson skrifar
Stefán Sigurðsson með 96 sm lax úr Kristnapolli í Laxá í Dölum
Stefán Sigurðsson með 96 sm lax úr Kristnapolli í Laxá í Dölum Mynd: Harpa Hlín Þórðardóttir

Nú eru síðustu árnar að opna fyrir veiðimönnum og Laxá í Dölum er ein af þeim sem opnar á þessum tíma en hún fór heldur betur vel af stað.

Áin er í gullfallegu vatni og það er greinilegt að töluvert af laxi þegar gengin því stærsti laxinn sem kom á land í hollinu var 96 sm hængur sem Stefán Sigurðsson hjá Iceland Outfitters veiddi í Kristnapolli og það er greinilegt að sá hefur verið í ánni í alla vega mánuð. "Það er reglulega gaman að opna Laxá í Dölum við svona góð skilyrði og svo ég tali ekki um þegar það er fiskur komin um alla á" sagði Stefán í samtali við Veiðivísi í morgun. Fyrir utan þennan  flotta hæng sem Stefán fékk þá komu nokkrir vænir tveggja ára laxar á land og þar á meðal þessi gullfallega hrygna sem eiginkona Stefáns, Harpa Hlín Þórðardóttir setti í og landaði. Þær verða varla fallegri hrygnurnar en þetta. 

Það hefur verið erfitt í gegnum tíðina að komast að í dölunum en samkvæmt Stefáni eru tvær stangir lausar hjá honum vegna forfalla 12-14. júlí og betri tíma er erfitt að fá í Laxá í Dölum þegar menn eru að sækjast í væna nýgegna laxa.

Harpa Hlín með fallega hrygnu úr Laxá í DölumMynd: Stefán Sigurðsson


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.