Fjórir á land við opnun Nessvæðisins í Laxá

Eitt af þeim svæðum sem togar til sín þá veiðimenn sem sækjast eftir stórlaxi er Nessvæðið í Laxá í Aðaldal.

Þetta svæði er rómað fyrir hátt hlutfall stórlaxa og ég held að okkur sé óhætt að fullyrða án þess að hafa grafið djúpt í tölurnar að hvergi veiðist jafn margir laxar yfir 100 sm á hverju ári. Veiði hófst á svæðinu í gær og byrjunin lofar sannarlega góðu. Það komu fjórir laxar á land, allt stórlaxar eins og við var að búast. Veiðin á Laxársvæðinu fór hægt af stað en er komin í gang þar líka svo það er vonandi gott sumar framundan hjá veiðimönnum sem eiga daga framundan í Laxá. Eitthvað hefur verið af lausum stöngum á Laxársvæðinu en erfiðara hefur verið að komast að á Nesi en þeir sem einu sinni komast þar inn ríghalda í veiðileyfin eins og ormar á gulli enda ekkert skrítið þegar þú veist að næstu lax sem kemur á færið gæti verið þessi stóri sem þú ert búinn að bíða eftir.