Veiði

Vænar bleikjur að veiðast við Þingvallavatn

Karl Lúðvíksson skrifar
Vænar bleikjur úr Þingvallavatni
Vænar bleikjur úr Þingvallavatni Mynd: KL

Eftir heldur rólegan maímánuið og satt best að segja var byrjun júní ekkert sérstök heldur þá hefur veiðin heldur betur glæðst við bakka Þingvallavatns.

Við höfum reglulega heyrt í þeim sem stunda vatnið af miklulm móð og flestir eru sammála því að það hefur mikið lifnað yfir veiðinni á bleikju síðan vatnið fór aðeins að hlýna. Þetta er um það bil tveimur vikum seinna á ferðinni en á venjulegu sumri en kalt vorið setti þar strik í reikninginn. Það virðist vera góð veiði sama hvar drepið er niður færi í Þjóðgarðinum en eins og venjulega eru þó helstu veiðistaðir meira sóttir en aðrir. Það sem helst er rætt milli veiðimanna er að heilt yfir er mun meira af veiðast af vænni bleikju en oft áður og 3-4 punda bleikjur bara daglegt brauð hjá flestum.

Það er þó við það sama að kvartað er undan því að ágangur veiðimanna á sumum veiðistöðum er þannig að einhverjir veiðimenn kunna ekki alveg grundvallar kurteisi í veiði.Það lýsir sér til dæmis í tilfelli við vatnið í gær hjá einum vina Veiðivísis sem var búinn að koma sér vel fyrir á ágætum ómertkum veiðistað, er að landa fyrstu bleikju morgunsins þegar fjórir veiðimenn sjá til hans, raða sér í kringum hann og byrja að spúna á fullu. Svona gerir maður ekki. 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.