Viðskipti innlent

Öllum sagt upp hjá Kristjánsbakaríi

Andri Eysteinsson skrifar
Tvö bakarí eru rekin undir merkjum Kristjánsbakarís á Akureyri.
Tvö bakarí eru rekin undir merkjum Kristjánsbakarís á Akureyri. Vísir/Vilhelm

Öllu starfsfólki eins elsta iðnfyrirtækis landsins, Kristjánsbakaríi á Akureyri, hefur verið sagt upp störfum. Greint er frá þessu á mbl.is.

Tvö bakarí eru rekin undir merkjum Kristjánsbakarís á Akureyri en í samtali við Morgunblaðið sagði framkvæmdastjóri Gæðabaksturs, rekstraraðila Kristjánsbakarís að uppsagnirnar væru liður í endurskipulagningu fyrirtækisins. 35 störfuðu hjá fyrirtækinu.

Tekjufall hafi orðið vegna kórónuveirufaraldursins og hafi það gert reksturinn mjög þungan. Áætlað sé að framleiðsla á vörum sem seldar eru á höfuðborgarsvæðinu undir merkjum Kristjánsbakarís fari fram í Reykjavík.

Vilhjálmur Þorláksson, framkvæmdastjóri Gæðabaksturs, segist vonast eftir því að hægt verði að endurráða sem flesta starfsmenn eftir endurskipulagningu fyrirtækisins.

Akureyri Vinnumarkaður Bakarí


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið