Innlent

Slasaðist á fæti á Kattatjarnarleið

Andri Eysteinsson skrifar
Að því er fram kemur í tilkynningu frá Landsbjörg er konan slösuð á fæti.
Að því er fram kemur í tilkynningu frá Landsbjörg er konan slösuð á fæti. vísir/vilhelm

Björgunarsveitir úr Árnessýslu voru kallaðar til aðstoðar vegna slasaðrar göngukonu klukkan 22:00 í kvöld.

Konan, sem hafði verið á gangi á Kattatjarnarleið, slasaðist á fæti við Hróðmundartind á Hengilssvæðinu og gat því ekki gengið af sjálfsdáðum. Kallaði hún því eftir aðstoð björgunarsveita.

Konunni tókst að koma staðsetningu sinni til Neyðarlínunnar og voru björgunarsveitir kallaðar út og nálgast þær nú konuna úr tveimur áttum samkvæmt því sem fram kemur í tilkynningu Landsbjargar.

Gönguleiðin Kattatjarnarleið er fimmtán kílómetra ganga á milli Ölfusvatns og Hveragerðis.

Björgunarsveitir Grímsnes- og Grafningshreppur
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið