Bílar

Ísland í 17. sæti í Evrópu í notkun öryggisbelta

Kristinn Ásgeir Gylfason skrifar
Það tekur bara tvær sekúndur að gera ýmislegt. Þar á meðal að spenna öryggisbelti.
Það tekur bara tvær sekúndur að gera ýmislegt. Þar á meðal að spenna öryggisbelti.

Hvað varðar almenna notkun á öryggisbeltum er Ísland í 17. sæti. Nú hefur Samgöngustofa hrundið af stað herferðinni 2 sekúndur, til að breyta því.

Myndbönd sem hafa verið gefin út vegna herferðarinnar má sjá í fréttinni. Þar sjást Annie Mist, Flóni, Gunnar Nelson og Anna Lára sleppa einhverju sem tekur tvær sekúndur en er samt ekki eins fáránleg og að nota ekki öryggisbelti.

Rannsóknir sýna að rétt tæplega 10% Íslendinga nota ekki öryggisbelti skv. heimasíðu Samgöngustofu.

Þar segir enn frekar að „0kumaður sem notar ekki bílbelti er í 8 sinnum meiri hættu á að lenda í banaslysi en sá sem notar beltið. Það sést á samanburði á beltanotkunartíðni annars vegar og tíðni beltanotkunar þeirra sem látast í umferðarslysum hins vegar. Í rannsóknum á banaslysum þar sem fólk hefur ekki notað belti hefur komið í ljós að í langflestum tilfellum hefði viðkomandi bjargast hefði hann notað belti.“

Nafn herferðarinnar vísar til þess að það tekur aðeins tvær sekúndur að spenna á sig öryggisbelti. Markmiðið er að hvetja til notkunar öryggisbelta og „varpar hún ljósi á fáránleika þess að nota ekki öryggisbeltin,“ segir enn fremur á heimasíðu Samgöngustofu.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.



×