Veiði

Norðurá að detta í 100 laxa

Karl Lúðvíksson skrifar
Lax í Norðurá, Norðurá er að detta í 100 laxa veidda.
Lax í Norðurá, Norðurá er að detta í 100 laxa veidda.

Það er ólíkt að líkja saman byrjuninni á þessu sumri og veiðisumrinu 2019 en til þessa hafa þessir fyrstu dagar veiðisumarsins staðið undir væntingum.

Veiðin í Norðurá er farin að detta í sinn gamla gír en vatnið í ánni er eins og veiðimenn eiga að venjast á þessum árstíma og stígandi er í laxgengd eins og búast mátti við. Þetta er ansi ólíkt því hvernig staðan var í fyrra þegar það var bæði lítið vatn og lítið af fiski að ganga. Fiskifræðingar voru búnir að spá því að þetta yrði gott sumar og það virðist vera að koma á daginn en það skal þó engu að síður stíga varlega til jarðar því það er ekki óþekkt að tímabilin byrji vel en klári síðan bara á meðal ári. Meðalár væri engu að síður bara gott eftir hörmungarnar í fyrra.

Hollinu sem hefur verið við veiðar um helgina hefur gengið vel og er skipað nokkrum stórum nöfnum í veiðiheiminum og þegar þannig veiðimenn standa vaktina er ljóst að tölurnar taka við sér þegar það er fiskur til að taka. Norðurá er líklega að detta í um 100 laxa en gæti þó engu að síður verið komin yfir þá tölu í morgun. Nú fara veiðitölur að detta inn öll miðvikudagskvöld inná vef Landssambands Veiðifélaga á www.angling.is og má reikna með að fyrstu tölur komi vonandi inn núna næsta miðvikudag.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.