Rafíþróttir

Formaðurinn valdi rétta fólkið

Sindri Sverrisson skrifar
Fylkismenn spiluðu til sigurs í úrslitaleiknum í gær.
Fylkismenn spiluðu til sigurs í úrslitaleiknum í gær. MYND/STÖÐ 2

Fylkismenn eru bestir á Íslandi í tölvuleiknum Counter-Strike: Global Offensive en þeir unnu FH í gær, 2-0, í úrslitaleik Stórmeistaramóts Vodafone-deildarinnar.

Fylkir vann fyrra kortið, Inferno, 16-11 og það næsta, Vertigo, 16-7. Þorsteinn Friðfinnsson segir árangur Fylkis að stórum hluta að þakka fyrrverandi formanni rafíþróttadeildarinnar sem hafi sett saman svo sterkt lið.

„Það er örugglega út af reynslunni sem Aron Ólafs er með, sem er fyrrverandi formaður Fylkis. Hann er búinn að vera í þessu 15-20 ár og þekkir þetta vel. Ég hef unnið með honum í 2-3 ár, fyrra liðið mitt var þar líka, og sé að hann veit alveg hvað hann er að gera og pikkar út rétta fólkið,“ segir Þorsteinn við Rikka G í Sportpakkanum á Stöð 2.

Þorsteinn segist sjá þess skýr merki að vinsældir rafíþrótta séu að aukast. „Klárlega. Með Stöð 2 Esport og svona þá er þetta bara næsta stóra íþróttin að mínu mati,“ segir Þorsteinn, og hann segir mikla þjálfun búa að baki því að ná eins langt og Fylkismenn hafa gert:

„Fyrir mér er þetta bara alveg eins og fótbolti, fyrir utan líkamlega þáttinn. Þetta er eins og í fótbolta, að þegar þú sendir boltann þangað þá fer þessi leikmaður þangað, og svo framvegis. Að hugsa um hvað aðrir eru að fara að gera og um leið hvað þú ætlar að gera sjálfur. Þetta er hugaríþrótt, en eins og allar aðrar íþróttir.“

Klippa: Sportpakkinn - Fylkismenn bestir í Counter-Strike

Tengdar fréttir

Fylkir og FH óvænt í úrslit

Undanúrslit Stórmeistaramóts Vodafone fór fram í gærkvöldi er Fylkir og FH tryggðu sér sæti í úrslitum. Fylkir sigraði feiknasterkt lið KR og FH sigraði óvænt Íslandsmeistara Dusty. Sviðið er því sett fyrir úrslitaleikin 7. Júní nk.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.