Innlent

Unglingar í sjálfheldu í Kjósarskarði

Andri Eysteinsson skrifar
Björgunarsveit er kominn á staðinn og eru aðgerðir að hefjast.
Björgunarsveit er kominn á staðinn og eru aðgerðir að hefjast. Vísir/Vilhelm

Björgunarsveitir aðstoða nú tvær ungar stúlkur sem eru í sjálfheldu í klettabelti í Kjósarskarði. Alls eru þrjú í vanda stödd í fjallinum því samferðamaður þeirra þarf einnig aðstoð björgunarsveita, engar fregnir hafa þó borist af slysum á fólki.

Davíð Már Bjarnason, upplýsingafulltrúi Landsbjargar segir í samtali við Vísi að í fyrstu hafi nákvæm staðsetning stúlknanna verið á reiki en nú sé búið að staðsetja þær og fyrsti hópur björgunarsveitarmanna sé nýkominn á staðinn.

Útkallið barst um klukkan 14:00 og klukkutíma síðar eru aðgerðir hafnar við að tryggja öryggi stúlknanna og koma þeim niður.

Davíð segir stúlkurnar ekki hátt uppi í hlíðinni en klettarnir séu lausir í sér. Eins og áður segir er fyrsti hópur kominn á vettvang og er á von á fleiri hópum frá Reykjavík.

Kjósarhreppur Björgunarsveitir
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið