Viðskipti innlent

Til­raun gerð til inn­brots í tölvu­kerfi Reikni­stofu bankanna

Atli Ísleifsson skrifar
Við úrlausn varð þjónusturof kl. 13:07 sem hafði þær afleiðingar að truflanir eru í starfsemi netbanka og debetkorta.
Við úrlausn varð þjónusturof kl. 13:07 sem hafði þær afleiðingar að truflanir eru í starfsemi netbanka og debetkorta. Getty

Tilraun var til innbrots í tölvukerfi Reiknistofu bankanna í dag sem leiddi til rofs í þjónustu.

Þetta kemur fram í tilkynningu frá RB og segir að brugðist verið við í samræmi við viðbragðsáætlun.

„Brotist var inn í ysta netlag og eru engar vísbendingar um að komist hafi verið inn í kerfi RB og viðskiptavina.

RB vinnur að úrlausn málsins með helstu sérfræðingum í netöryggismálum og samstarfsaðilum fyrirtækisins. Við úrlausn varð þjónusturof kl. 13:07 sem hafði þær afleiðingar að truflanir eru í starfsemi netbanka og debetkorta. Áfram er unnið að úrlausn málsins og er gert ráð fyrir að kerfin verði orðin virk innan skamms,“ segir í tilkynningunni.

Uppfært 14:04: „Það þjónusturof sem var í gangi hjá RB hefur verið leyst og kerfi eru aftur orðin virk.“ Þetta kemur fram í tilkynningu frá RB.

Íslenskir bankar Netöryggi Greiðslumiðlun


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið