Bílar

Myndband: Tesla Model 3 ekur á oltinn flutningabíl

Kristinn Ásgeir Gylfason skrifar
Tesla Model 3 inn í flutningabílnum.
Tesla Model 3 inn í flutningabílnum.

Myndband náðist af Tesla Model 3, líklegast á sjálfstýringu, aka á mikilli ferð á flutningabíl sem oltið hafði á hraðbraut í Taívan. Sjálfvirka bremsukerfið virkaði ekki en ökumaðurinn reyndi að hemla á síðustu stundu en náði ekki að forða árekstri.

Enginn slys urðu á fólki við áreksturinn. Hinn 53 ára Huang var undir stýri og segir bílinn hafa verið á sjálfstýringu og hafa verið á um 110 km/klst þegar áreksturinn varð.

Þegar hann sá flutningabílinn steig hann á bremsuna að eigin sögn, en þá var orðið of seint að stöðva bílinn og forða árekstri. Engir loftpúðar virðast hafa sprungið út í bílnum við áreksturin.

Þetta er ekki í fyrsta skipti sem Tesla mistekst að stöðva í tæka tíð þegar kyrrstæð ökutæki verða í vegi Tesla. Svo virðist sem sjálfstýringin sé haldin einhverjum ágöllum þegar kemur að því að greina kyrrstæða hluti. Bíllinn hefði klárlega átt að stöðva sjálfur í þessum aðstæðum sem ættu að vera afar einfaldar fyrir kerfið að greina.

Hér að neðan má sjá tíst um atvikið.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.