Bein útsending: Meistaramót í báðum Vodafone deildunum um helgina

Það verður mikið um að vera í báðum Vodafone deildunum um helgina. Keppt verður í Stórmeistaramóti deildarinnar í Counter-Strike: Global Offensive og í meistaramóti League of Legends.

Keppt um sæti í úrslitunum í CSGO

Í stórmeistaramótinu í CSGO munu átta lið etja kappi í útsláttarkeppni. Í átta liða úrslitum munu Dusty mæta Bad Company. Fylkir mæta XY.Esport. KR mæta Tindastól og FH mæta Þór.

Sjá einnig: Ljóst er hvaða lið mætast á Stórmeistaramóti Vodafone-deildarinnar

Stórmeistaramótið hefst með tveimur viðureignum í kvöld. Sú fyrri er klukkan sex og þar mætast KR og Tindastóll.Sú næsta er klukkan níu og þá mætast Fylkir og XY.Esport.

Það lið sem er fyrst til að ná tveimur sigrum fer áfram. Átta liða úrslitin halda áfram á laugardaginn með viðureignum FH og Þórs Akureyri auk viðureignar Dusty Academy og Bad Company.

Á sunnudaginn verða svo undanúrslit.

Úrslitaviðureignin verður svo háð þann 7. júní.

Hægt er að fylgjast með viðureignunum hér að neðan og á Stöð 2 eSport.

Úrslitin ráðast í LoL

 Keppt verður til úrslita í League of Legends um helgina. Átta liða úrslitin hófust í gær og í kvöld eru tvær viðureignir til viðbótar við þær tvær sem fóru fram í gær. Þá tryggðu Dusty Academy og Fylkir Esports sér sæti í undanúrslitunum á morgun.

Fyrri viðureignin hefst klukkan sex. Þá mætast Turboapes United og Kr LoL. Seinni viðureignin er klukkan níu þegar Tindastóll og NotWorry mætast.

Undanúrslitin verða svo á morgun og úrslitin á sunnudagskvöldið.

Hægt er að fylgjast með viðureignunum hér að neðan og á Twitch.