Ásgeir Runólfsson hefur hafið störf hjá Data Lab Ísland en hann mun þar veita ráðgjölf á sviði stefnumótunar og viðskiptaþróunar.
Í tilkynningu frá fyrirtækinu segir að Ásgeir hafi mætt til starfa í ársbyrjun, en fyrirtækið aðstoðar bæði fyrirtæki og stofnanir við hagnýtingu gervigreindar í starfsemi sinni.
„Ásgeir vann síðast sem stjórnendaráðgjafi hjá Capacent í stefnumótun og fjármálum. Þar áður hjá Landsbankanum og í stjórnmálum sem aðstoðarmaður Árna Páls Árnasonar og Loga Einarssonar. Hann lærði iðnaðarverkfræði og hagfræði við Háskóla Íslands,“ segir í tilkynningunni.
Sex manns starfa nú hjá Data Lab Ísland.
