Innlent

Tuttugu og fjögur smit bætast við á milli daga

Kjartan Kjartansson skrifar
Búið er að greina tugi þúsunda sýna vegna kórónuveiru á Íslandi. Myndin er úr safni.
Búið er að greina tugi þúsunda sýna vegna kórónuveiru á Íslandi. Myndin er úr safni. Landspítali/Þorkell

Staðfest smit nýs afbrigðis kórónuveiru sem veldur Covid-19-sjúkdómnum eru nú alls 1.586 hér á landi. Staðfestum smitum fjölgaði um 24 frá því að síðustu tölur birtust á covid.is klukkan eitt í gær.

Þá eru 39 nú á sjúkrahúsi og þrettán á gjörgæslu vegna COVID-19. Alls hefur 559 manns batnað af veikinni. Þá eru 4.407 manns í sóttkví og 1.021 í einangrun. 13.531 hefur lokið sóttkví. Sýni hafa verið tekin úr 28.991 manns. Sex dauðsföll hafa verið staðfest vegna kórónuveirusmits.

Klukkan tvö verður haldinn upplýsingafundur almannavarna og landlæknis þar sem farið verður yfir stöðu mála í sambandi við faraldurinn og farið yfir aðgerðir til að sporna við útbreiðslu kórónuveirunnar.

Víðir Reynisson, yfirlögregluþjónn, og Þórólfur Guðnason, sóttvarnalæknir, verða á staðnum til að upplýsa landsmenn um þróun mála með tilliti til kórónuveirunnar hér á landi. Sigþrúður Guðmundsdóttir, framkvæmdastýra Kvennaathvarfsins, verður gestur fundarins.

Faraldur kórónuveiru (COVID-19)
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið