300 milljónirnar verði ekki algjörlega sendar úr landi Stefán Ó. Jónsson skrifar 13. maí 2020 16:35 Glefsa úr auglýsingaherferðinni Inspired by Iceland sem ráðist var í eftir eldgosið í Eyjafjallajökli árið 2010. skjáskot Þrjú hundruð milljón krónurnar sem Íslandsstofa hyggst verja í nýja auglýsingaherferð, sem féll í skaut bresku auglýsingastofunnar M&C Saatchi og hinnar íslensku Peel, hverfa ekki með öllu úr hagkerfinu að sögn fulltrúa auglýsingastofanna. Íslandsstofa muni þurfa að greiða virðisaukaskatt auk þess sem hluti vinnunnar við auglýsingaherferðina fer fram hér á landi. Til stendur að ráða íslenska undirverktaka „og því munu margir fleiri njóta góðs af verkefninu.“ Þetta segir Magnús Magnússon, framkvæmdastjóri Peel, vegna þeirrar gagnrýni sem útboð verkefnisins hefur hlotið. Valgeir Magnússon, stjórnarformaður íslensku auglýsingastofunnar Pipar/TBWA, sagði þannig í morgun að það væri leiðinlegt að verkefnið hafi endað hjá hinni bresku M&C Saatchio, ekki síst í ljósi þess hvernig atvinnuástandið er á Íslandi þessa dagana. Mjótt var á munum í valinu. Tillaga M&C Saatchi hlaut 87,17 stig af hundrað mögulegum en Pipar/TBWA hlaut 86,35 stig. Valgeir sagði jafnframt að jafnræði hafi skort í fjárhagslið útboðsins. Erlend fyrirtæki, eins og hið breska M&C Saatchi, borgi ekki virðisaukaskatt hér á landi ólíkt þeim íslensku. Fjármálaráðuneytið taldi tilefni til að svara þessari fullyrðingu Valgeirs í yfirlýsingu nú síðdegis. Þar segir að virðisaukaskattur sé greiddur af vöru eða þjónustu hvaðan sem hún er keypt. „Meginreglan er sú að seljandi skili skattinum, en í þeim tilvikum þar sem vara eða þjónusta er keypt af aðila sem ekki er virðisaukaskyldur á Íslandi, fellur skattskyldan á kaupandann,“ segir þar til útskýringar áður en tvö dæmi eru tekin: Dæmi 1. – Íslandsstofa kaupir þjónustu af innlendri auglýsingastofu. – Verð án vsk. er 1 m.kr. Íslandsstofa greiðir 1.240.000 m/vsk (1 m.kr.+240 þ.kr.) og auglýsingastofan skilar 240 þ.kr. vsk. í ríkissjóð. Dæmi 2. – Íslandsstofa kaupir þjónustu af erlendri auglýsingastofu (C) – Verð án vsk er 1 m.kr. Íslandsstofa greiðir 1 m.kr. án vsk en þarf sjálf að skila 240 þ.kr. vsk. í ríkissjóð. Íslensk gæði varðveitt með útlensku samstarfi Valgeir sagði það jafnframt skjóta skökku við að „senda þessar 300 milljónir úr landi“ í stað þess að verja þeim innanlands og fá skatttekjur á móti. Fyrrnefndur Magnús hjá Peel segir að M&C Saatchi hyggist þó ráða „önnur innlend framleiðslufyrirtæki og fleira vant auglýsingafólk til að vinna með sér“ að auglýsingaherferðinni. Magnús Magnússon, stofnandi og framkvæmdarstjóri Peel.aðsend „Ég er sammála Guðmundi Pálssyni hjá Pipar, sem hefur tjáð sig um úrslit útboðsins í fjölmiðlum í dag, um að það skiptir miklu máli að hafa öflugan auglýsinga- og markaðsgeira á Íslandi,“ segir Magnús í yfirlýsingu sem hann sendi fréttastofu vegna málsins. Það sé sýn fyrirtækisins að gæði íslenska auglýsingageirans verði best varðveitt með samstarfi við fært, útlenskt auglýsingafólk. „Rétt eins og íslensk kvikmyndagerð og dagskrárgerð hefur notið þess ríkulega að þekking hefur byggst upp í stórum alþjóðlegum kvikmynda- og sjónvarpsverkefnum sem tekin hafa verið upp hér á landi, eins og Star Wars og Game of Thrones,“ segir Magnús til útskýringar. Stór hluti framleiðslunnar verði á Íslandi Verkefnið lúti að því að markaðssetja Ísland í útlöndum og því sé mikilvægt að vinna með fólki sem þekki vel til erlendra markaða og starfi þar dagsdaglega. „Öll íslensk flugfélög hafa til dæmis í gegnum árin leitað til erlendra fyrirtækja varðandi aðstoð við að koma sér á framfæri við ferðamenn í hverju landi fyrir sig. Að sama skapi vinna flestar íslenskar auglýsingastofur fyrir erlend vörumerki sem leitast eftir þekkingu þeirra við að markaðssetja sig og auglýsa hér á landi,“ segir Magnús og nefnir Dominos, Coke, Pepsi, Ikea og Uncle Ben's hrísgrjón máli sínu til stuðnings. Verkefnið sem féll í skaut M&C Saatchi sé ekkert öðruvísi. „Stór hluti af framleiðslunni mun fara fram hér því þekkingin á landinu sem við erum að markaðssetja skiptir máli. Við ætlum að ráða til okkar fjölda íslenskra undirverktaka á ýmsum sviðum framleiðslunnar og því munu margir fleiri njóta góðs af verkefninu,“ segir Magnús. Auglýsinga- og markaðsmál Ferðamennska á Íslandi Mest lesið Einar Bárðarson tekur við umdeildu félagi Viðskipti innlent Samþykktu að selja Perluna fyrir 3,5 milljarða Viðskipti innlent Setja spurningarmerki við umfjöllun um Climeworks Viðskipti innlent Mannauðsmál lögreglunnar: Ljótu málin taka á Atvinnulíf Íbúðaverð hækkað um 14,5 prósent á tveimur árum Viðskipti innlent Gunnar Örn og Haraldur Hilmar nýir forstöðumenn hjá Arion Viðskipti innlent Jakob Valgeir lét Guðbjart bróður sinn fara Viðskipti innlent Brynja yfirmaður markaðseftirlits Nasdaq Iceland Viðskipti innlent Gísli Þór og Jón Garðar nýir framkvæmdastjórar hjá Terra Viðskipti innlent Ráðin þjónustustjóri atNorth á Akureyri Viðskipti innlent Fleiri fréttir Samþykktu að selja Perluna fyrir 3,5 milljarða Einar Bárðarson tekur við umdeildu félagi Brynja yfirmaður markaðseftirlits Nasdaq Iceland Gísli Þór og Jón Garðar nýir framkvæmdastjórar hjá Terra Ráðin þjónustustjóri atNorth á Akureyri Gunnar Örn og Haraldur Hilmar nýir forstöðumenn hjá Arion Setja spurningarmerki við umfjöllun um Climeworks Íbúðaverð hækkað um 14,5 prósent á tveimur árum Stjórnarandstaðan í vasa hagsmunaaðila Af og frá að slakað sé á aðhaldi Ráðinn markaðsstjóri Bónuss Aka um Ísland í allt sumar og mynda vegakerfið í þrívídd Of snemmt að segja til um hvort vaxtalækkunarferlinu sé lokið í bili „Ég held að þú þurfir ný gleraugu“ Úthluta eftirstandandi hlutum í Íslandsbanka Bein útsending: Rökstyðja ákvörðun sína um lækkun vaxta Reitir fasteignafélag og HR efna til hugmyndasamkeppni fyrir nemendur Vaxtalækkunarferlið heldur áfram Birta nýja ákvörðun um stýrivexti í dag Ráðuneytið ógilti lóðaúthlutun fyrir milljarða Tólf milljarða hagnaður á fyrsta ársfjórðungi Jakob Valgeir lét Guðbjart bróður sinn fara Niðurstöður álagningar birtar á fimmtudag Gefast upp á miðbænum: „Það er hringur eftir hring, engin bílastæði“ Rökrétt að lækka lyfjaverð í Bandaríkjunum Rapyd sé íslenskt fyrirtæki með kennitölu frá 1983 Þurfi að líta ofar í tekjustigann í næstu kjarasamningum Hefja viðskipti með bréf í Alvotech í Stokkhólmi Óttast að háir vextir sogi sparnaðinn til Tenerife Ráku framkvæmdastjórann og komust svo að rafmyntagreftrinum Sjá meira
Þrjú hundruð milljón krónurnar sem Íslandsstofa hyggst verja í nýja auglýsingaherferð, sem féll í skaut bresku auglýsingastofunnar M&C Saatchi og hinnar íslensku Peel, hverfa ekki með öllu úr hagkerfinu að sögn fulltrúa auglýsingastofanna. Íslandsstofa muni þurfa að greiða virðisaukaskatt auk þess sem hluti vinnunnar við auglýsingaherferðina fer fram hér á landi. Til stendur að ráða íslenska undirverktaka „og því munu margir fleiri njóta góðs af verkefninu.“ Þetta segir Magnús Magnússon, framkvæmdastjóri Peel, vegna þeirrar gagnrýni sem útboð verkefnisins hefur hlotið. Valgeir Magnússon, stjórnarformaður íslensku auglýsingastofunnar Pipar/TBWA, sagði þannig í morgun að það væri leiðinlegt að verkefnið hafi endað hjá hinni bresku M&C Saatchio, ekki síst í ljósi þess hvernig atvinnuástandið er á Íslandi þessa dagana. Mjótt var á munum í valinu. Tillaga M&C Saatchi hlaut 87,17 stig af hundrað mögulegum en Pipar/TBWA hlaut 86,35 stig. Valgeir sagði jafnframt að jafnræði hafi skort í fjárhagslið útboðsins. Erlend fyrirtæki, eins og hið breska M&C Saatchi, borgi ekki virðisaukaskatt hér á landi ólíkt þeim íslensku. Fjármálaráðuneytið taldi tilefni til að svara þessari fullyrðingu Valgeirs í yfirlýsingu nú síðdegis. Þar segir að virðisaukaskattur sé greiddur af vöru eða þjónustu hvaðan sem hún er keypt. „Meginreglan er sú að seljandi skili skattinum, en í þeim tilvikum þar sem vara eða þjónusta er keypt af aðila sem ekki er virðisaukaskyldur á Íslandi, fellur skattskyldan á kaupandann,“ segir þar til útskýringar áður en tvö dæmi eru tekin: Dæmi 1. – Íslandsstofa kaupir þjónustu af innlendri auglýsingastofu. – Verð án vsk. er 1 m.kr. Íslandsstofa greiðir 1.240.000 m/vsk (1 m.kr.+240 þ.kr.) og auglýsingastofan skilar 240 þ.kr. vsk. í ríkissjóð. Dæmi 2. – Íslandsstofa kaupir þjónustu af erlendri auglýsingastofu (C) – Verð án vsk er 1 m.kr. Íslandsstofa greiðir 1 m.kr. án vsk en þarf sjálf að skila 240 þ.kr. vsk. í ríkissjóð. Íslensk gæði varðveitt með útlensku samstarfi Valgeir sagði það jafnframt skjóta skökku við að „senda þessar 300 milljónir úr landi“ í stað þess að verja þeim innanlands og fá skatttekjur á móti. Fyrrnefndur Magnús hjá Peel segir að M&C Saatchi hyggist þó ráða „önnur innlend framleiðslufyrirtæki og fleira vant auglýsingafólk til að vinna með sér“ að auglýsingaherferðinni. Magnús Magnússon, stofnandi og framkvæmdarstjóri Peel.aðsend „Ég er sammála Guðmundi Pálssyni hjá Pipar, sem hefur tjáð sig um úrslit útboðsins í fjölmiðlum í dag, um að það skiptir miklu máli að hafa öflugan auglýsinga- og markaðsgeira á Íslandi,“ segir Magnús í yfirlýsingu sem hann sendi fréttastofu vegna málsins. Það sé sýn fyrirtækisins að gæði íslenska auglýsingageirans verði best varðveitt með samstarfi við fært, útlenskt auglýsingafólk. „Rétt eins og íslensk kvikmyndagerð og dagskrárgerð hefur notið þess ríkulega að þekking hefur byggst upp í stórum alþjóðlegum kvikmynda- og sjónvarpsverkefnum sem tekin hafa verið upp hér á landi, eins og Star Wars og Game of Thrones,“ segir Magnús til útskýringar. Stór hluti framleiðslunnar verði á Íslandi Verkefnið lúti að því að markaðssetja Ísland í útlöndum og því sé mikilvægt að vinna með fólki sem þekki vel til erlendra markaða og starfi þar dagsdaglega. „Öll íslensk flugfélög hafa til dæmis í gegnum árin leitað til erlendra fyrirtækja varðandi aðstoð við að koma sér á framfæri við ferðamenn í hverju landi fyrir sig. Að sama skapi vinna flestar íslenskar auglýsingastofur fyrir erlend vörumerki sem leitast eftir þekkingu þeirra við að markaðssetja sig og auglýsa hér á landi,“ segir Magnús og nefnir Dominos, Coke, Pepsi, Ikea og Uncle Ben's hrísgrjón máli sínu til stuðnings. Verkefnið sem féll í skaut M&C Saatchi sé ekkert öðruvísi. „Stór hluti af framleiðslunni mun fara fram hér því þekkingin á landinu sem við erum að markaðssetja skiptir máli. Við ætlum að ráða til okkar fjölda íslenskra undirverktaka á ýmsum sviðum framleiðslunnar og því munu margir fleiri njóta góðs af verkefninu,“ segir Magnús.
Auglýsinga- og markaðsmál Ferðamennska á Íslandi Mest lesið Einar Bárðarson tekur við umdeildu félagi Viðskipti innlent Samþykktu að selja Perluna fyrir 3,5 milljarða Viðskipti innlent Setja spurningarmerki við umfjöllun um Climeworks Viðskipti innlent Mannauðsmál lögreglunnar: Ljótu málin taka á Atvinnulíf Íbúðaverð hækkað um 14,5 prósent á tveimur árum Viðskipti innlent Gunnar Örn og Haraldur Hilmar nýir forstöðumenn hjá Arion Viðskipti innlent Jakob Valgeir lét Guðbjart bróður sinn fara Viðskipti innlent Brynja yfirmaður markaðseftirlits Nasdaq Iceland Viðskipti innlent Gísli Þór og Jón Garðar nýir framkvæmdastjórar hjá Terra Viðskipti innlent Ráðin þjónustustjóri atNorth á Akureyri Viðskipti innlent Fleiri fréttir Samþykktu að selja Perluna fyrir 3,5 milljarða Einar Bárðarson tekur við umdeildu félagi Brynja yfirmaður markaðseftirlits Nasdaq Iceland Gísli Þór og Jón Garðar nýir framkvæmdastjórar hjá Terra Ráðin þjónustustjóri atNorth á Akureyri Gunnar Örn og Haraldur Hilmar nýir forstöðumenn hjá Arion Setja spurningarmerki við umfjöllun um Climeworks Íbúðaverð hækkað um 14,5 prósent á tveimur árum Stjórnarandstaðan í vasa hagsmunaaðila Af og frá að slakað sé á aðhaldi Ráðinn markaðsstjóri Bónuss Aka um Ísland í allt sumar og mynda vegakerfið í þrívídd Of snemmt að segja til um hvort vaxtalækkunarferlinu sé lokið í bili „Ég held að þú þurfir ný gleraugu“ Úthluta eftirstandandi hlutum í Íslandsbanka Bein útsending: Rökstyðja ákvörðun sína um lækkun vaxta Reitir fasteignafélag og HR efna til hugmyndasamkeppni fyrir nemendur Vaxtalækkunarferlið heldur áfram Birta nýja ákvörðun um stýrivexti í dag Ráðuneytið ógilti lóðaúthlutun fyrir milljarða Tólf milljarða hagnaður á fyrsta ársfjórðungi Jakob Valgeir lét Guðbjart bróður sinn fara Niðurstöður álagningar birtar á fimmtudag Gefast upp á miðbænum: „Það er hringur eftir hring, engin bílastæði“ Rökrétt að lækka lyfjaverð í Bandaríkjunum Rapyd sé íslenskt fyrirtæki með kennitölu frá 1983 Þurfi að líta ofar í tekjustigann í næstu kjarasamningum Hefja viðskipti með bréf í Alvotech í Stokkhólmi Óttast að háir vextir sogi sparnaðinn til Tenerife Ráku framkvæmdastjórann og komust svo að rafmyntagreftrinum Sjá meira