Samráð um verð á vinnsluminnum

Samkeppnisyfirvöld í Bandaríkjunum rannsaka nú hvort suður-kóreski hátækniframleiðandinn Samsung og bandaríska fyrirtækið Cypress Semiconductor hafi haft með sér samráð um verðlagningu á vinnsluminnum af gerðinni SRAM, sem þau seldu Sony á síðasta ári. Talsmenn Sony segja að fyrirtækið muni vinna með yfirvöldum að lausn málsins.

Þetta eru ekki góðar fréttir fyrir Sony, sem skilaði slökum hagnaði á þriðja ársfjórðungi, sér í lagi vegna innköllunar á rúmlega 8 milljón rafhlöður fyrir fartölvur, sem fyrirtækið seldi til hinna ýmsu fartölvuframleiðenda. Hætta var á að rafhlöðurnar ofhitnuðu og kviknaði í fartölvum af þessum sökum í nokkrum tilvikum.

Að sögn breska ríkisútvarpsins er verðsamráð á vinnsluminnamarkaðnum ekki nýtt af nálinni. Fyrr á þessu ári voru fjögur fyrirtæki, þar á meðal Samsung, og 12 einstaklingar, ákærðir vegna samráðs um verð á vinnsluminnum af gerðinni DRAM. Hinir ákærður voru dæmdir til að greiða greiða 731 milljón bandaríkjadali, jafnvirði 50 milljarða íslenskra króna, í sektir vegna samráðsins.