Lífið

Erfitt að leika í kynlífssenum með ungum konum

Stefán Árni Pálsson skrifar
Unnur Ösp og Hilmir Snær fóru um víðan völl í spjalli sínu í gær. Þau þekkjast vel og hafa leikið í mörgum sýningum saman.
Unnur Ösp og Hilmir Snær fóru um víðan völl í spjalli sínu í gær. Þau þekkjast vel og hafa leikið í mörgum sýningum saman.

Leikararnir Hilmir Snær og Unnur Ösp ræddu saman um lífið og leiklistina í Listamannaspjallinu Borgó í beinni á Vísi.

Þar rifjuðu þau upp allskonar skemmtilegar sögur og hvernig lífið hefur verið undanfarnar vikur í miðjum faraldri. Sem ungur leikari lenti Hilmir Snær í slysi á sviði þegar hann fór með hlutverk í Kardemommubænum.

„Þá opnuðust allar dyrnar í Þjóðleikhúsinu út inn á ganginn og það var stórhættulegt. Ég var svo einbeittur á það að gera allt rétt en fattaði allt í einu að ég var vitlaustu megin á sviðinu og átti að koma hinumegin inn. Ég hleyp því eftir ganginum og þá kemur Klemens Jónsson, heitinn, og opnar hurð með þeim afleiðingum að það festist krókur inn í handleggnum á mér og ég er því alltaf merktur Þjóðleikhúsinu,“ segir Hilmir sem er með heljarinnar ör á handleggnum eftir slysið.

„Þetta var í raun stórslys og það alvarlegasta slys sem ég hef lent í á ferlinum,“ segir Hilmir.

Traust í kynlífssenum mjög mikilvægt

Hilmir segir að það sé nauðsynlegt að mikið traust sé á milli leikara og þá sérstaklega þegar um sé að ræða erfiðar senur.

„Mér finnst ofsalega erfitt að fara leika í kvikmynd á móti ungri konu og það á að vera eitthvað sexúalt í því og ég þekki ekki konuna og hún er kannski tíu árum yngri en ég. Mér finnst það alltaf voðalega óþægilegt og ég vil helst tala heillengi við hana um þetta og ná einhverju samkomulagi, því þetta traust er svo mikilvægt í allri leiklist. Hvort sem það er á sviði eða í kvikmyndum.“

Unnur tók undir þetta, hve erfitt væri að vera í slíkum senum með ókunnugum. Þess vegna þætti henni miklu betra að vera í slíkum senum með þeim sem hún þekkti, eins og Hilmir. Hilmir tók undir þetta.

Hér að neðan má sjá umræður Unnar og Hilmis.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.