Channing Tatum og Beyoncé slógu í gegn

Leikarahjónin Channing Tatum og Jenna Dewan-Tatum fóru svo sannarlega á kostum í sjónvarpsþættinum Lip Sync Battle í síðustu viku. Um er að ræða nokkurs konar eftirhermukeppni fræga fólksins sem jafnan vekur mikla lukku áhorfenda.

Bæði slógu þau í gegn í þættinum – enda þauvanir dansarar. Jenna þurfti ekki að leita langt yfir skammt þegar hún setti á svið sitt atriði því hún ákvað meðal annars að leika eftir atriði úr kvikmyndinni Magic Mike, þar sem eiginmaður hennar var í aðalhlutverki. Þó tók hún jafnframt eitt sitt uppáhalds lag, Cold Hearted Snake, með Paulu Abdul.

Channing gekk þó skrefinu lengra. Hann klæddi sig upp sem Elza í Frozen, áður en hann brá sér í líki Beyonce. Hin eina sanna mætti svo undir lokin og tók dansinn, og lagið, öllum að óvörum.

Afraksturinn má sjá hér fyrir neðan.

Heimsyfirráð Channing Tatum og Beyonce. Channing í líki Elsu. Atriði Jennu var engu síðra. Jenna kom eiginmanninum svo sannarlega á óvart.