400 Urriðar á land í Laxá í köldu veðri

Opnunarhollin á urriðasvæðunum í Laxá í Mývatnssveit og Laxárdal gerðu ágæta veiði. Í Mývatnssveitinni komu 310 urriðar en um hundrað fiskar í Laxárdalnum. Veitt er á 24 stangir.

Bjarni Höskuldsson umsjónarmaður segir menn ánægða með veiðina, sérstaklega vegna þess hversu kalt hefur verið á fyrstu dögum veiðitímans. Hins vegar er eftir því tekið hversu vel fiskurinn er haldinn eftir veturinn og margir stórir urriðar hafa veiðst. Þar af nokkrir um og yfir sjö pund sem Bjarni lýsir sem „nær afmynduðum“ vegna stærðar sinnar.