Veiði

Af stórlöxum sumarsins

Karl Lúðvíksson skrifar
Atli Bjarnason ásamt leiðsögumanninum Hilmari Þór Árnasyni með 108 sm hrygnu af Nessvæðinu í Laxá
Atli Bjarnason ásamt leiðsögumanninum Hilmari Þór Árnasyni með 108 sm hrygnu af Nessvæðinu í Laxá Mynd: Laxá Nesi FB

Þrátt fyrir að aðeins séu um þrjár vikur liðnar af laxveiðitímabilinu þá sýnist okkur þetta nú þegar vera komið í þann gír að verða ágætt stórlaxasumar.

Stærsti laxinn sem kominn er á land er 108 sm hrygna sem veiddist á Nessvæðinu í Laxá en það veiðisvæði er eins og allir þekkja líklega það svæði sem gefur flesta laxa yfir 100 sm á hverju sumri. Það var Atli Bjarnason sem veiddi hrygnuna í Efri Grástraum á 1/4 grænan Frigga. Leiðsögumaðurinn hans var Hilmar Þór Árnason sem var að leiðbeina á sinni fyrstu vakt og það er ekki amalegt að byrja ferilinn svona. Hrygnan mældist 12,3 kg eða 27 pund og það tók Atla 45 mínútur að landa henni.

Í Eystri Rangá er búið að landa einum 102 sm sem var maríulax og við fréttum af 22 punda laxi sem veiddist þar í gær. Mest af því sem er að veiðast núna í Eystri Rangá er vænn stórlax. Það er kominn alla vega einn 100 sm úr Blöndu og af löxum sem laxateljarar eru að mæla þá hefur náðst myndband af einum 100 sm fisk í Langadalsá í nýja teljarnum þar og í Ytri Rangá fór einn í gegnum teljarann í gær sem var yfir 100 sm langur. 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.