Innkalla frosnar ostrur vegna nóróvíruss

Dai Phat Trading ehf hefur, í samráði við Heilbrigðiseftirlit Reykjavíkur, innkallað frosnar ostrur vegna þess að nóróvírus var greindur í vörunni. Þetta kemur fram í tilkynningu frá Reykjavíkurborg.

Eftirfarandi upplýsingar auðkenna vöruna sem innköllunin einskorðast við:

Vörumerki    Wang korea

Vöruheiti    Frozen oysters

Strikanúmer    08770316669

Lotunúmer    Öll lotunúmer.

Best fyrir    Allar best fyrir dagsetningar.

Nettómagn    453 g

Framleiðsluland    Suður Kórea

Innflytjandi    Dai Phat Trading ehf, Faxafeni 14, 108 Reykjavík.

Dreifing    Dai Phat Trading ehf, Faxafeni 14, 108 Reykjavík.

Viðskiptavinum sem hafa keypt vöruna er bent á að neyta hennar ekki og farga eða skila henni í þeirri verslun þar sem hún var keypt gegn endurgreiðslu.