Neymar lofaði Beckham að spila fyrir Inter Miami

Inter Miami CF á von á góðum liðstyrk í framtíðinni en Brasilíumaðurinn Neymar ætlar sér að spila með liðinu á næstu árum.

David Beckham fer fyrri eigendahópi Inter Miami CF sem hefur leik í MLS-deildinni á þessu ári. Miami spilar þó ekki á nýja leikvangi sínum, Miami Freedom Park, fyrr en í fyrsta lagi árið 2022.

Það eiga margir von á því að þekkt nöfn klæði sig í búning Inter Miami ekki síst vegna aðkomu David Beckjam.

Brasilíumaðurinn Neymar lofaði Beckham þannig að spila fyrir Inter Miami eins og sjá má hér fyrir neðan.

Neymar Inter Miami pic.twitter.com/WfUw5yNYFq

— B/R Football (@brfootball) February 10, 2020

„Það var ég sem bað um það að fá að spila fyrir þetta félag. Ég vil það. Ég sagði við hann að ég myndi spila þarna einn daginn,“ sagði Neymar.

Neymar er núna 28 ára gamall og leikmaður franska liðsins Paris Saint Germain. Neymar kom til PSG árið 2017 en hefur unnið markvisst af því síðustu misseri að komast aftur til Barcelona.

Neymar er með 13 mörk og 6 stoðsendingar í 14 deildarleikjum með PSG á leiktíðinni en skoraði bara eitt mark í riðlakeppni Meistaradeildarinnar þar sem hann spilaði aðeins 134 mínútur af 540.

Það er hins vegar ekkert auðvelt að fá slíkt í gegn þegar þú ert með svakalegan launapakka og varst keyptur á 222 milljónir evra.

Samningur Neymar við franska félagið rennur út í júní 2022. Það er líklegt að PSG verði búið að selja hann fyrir þann tíma.

Endi Neymar hjá Inter Miami þá þarf félagið væntanlega að fá hann á frjálsri sölu. Beckham og félagar eru alla vega ekki að fara að kaupa menn eins og Neymar fyrir stórar upphæðir.