Móðir LeBron lamdi bílastæðavörð

Þráðurinn á Gloriu James, móður LeBron James, er ansi stuttur. Það sannaði hún með því að ráðast á bílastæðavörð þar sem henni fannst taka of langan tíma að ná í bílinn hennar.

Gloria var handtekin í kjölfarið. LeBron er miður sín yfir atvikinu og segir að móðir sín sé að fá þá aðstoð sem hún þurfi á að halda.

Gloria var vel við skál er atvikið átti sér stað. Hún sló bílastæðavörðinn utan undir og féll svo sjálf til jarðar.

"Hún niðurlægði mig hrottalega því hún öskraði í sífellu: "veistu ekki hver ég er" á meðan hún sló mig," sagði bílastæðavörðurinn sem ætlar að kæra Gloriu.

Gloriu hefur áður komist í kast við lögin en hún var handtekin drukkin undir stýri árið 2006.