PETA mótmælir á hluthafafundi Hermes

Dýraverndunarsamktökin PETA fara óhefðbundnar leiðir til þess að koma málstað sínum á framfæri. Í þetta sinn keyptu þau hlutabréf í tískuhúsinu Hermes en það var gert til þess að hafa aðgang að hluthafafundum fyrirtækisins en fyrr í vikunni mættu þau og létu í sér heyra. 

Á fundinum kröfðu þau forstjóra fyrirtækisins, Axel Dumas, um svör varðandi notkun leðurs og felds úr framandi dýrum í töskum þeirra. Dumas gaf þó lítið fyrir og svaraði einfaldlega að þau væru með ólíkar skoðanir á hvað væri rétt í þessum málum og að þau fylgja öllum settum reglum hvað varðar vinnslu leðurs úr dýrunum. 

Ein vinsælasta og verðmætasta taska heims, Birkin taskan, er framleidd af Hermes og er kennd við Jane Birkin. PETA hefur lagt mikla áherslu á að mótmæla framleiðslu Birkin töskunar en hún er iðulega gerð úr krókódílaleðri. Vegna mikillar gagnrýni frá PETA krafðist Jane Birkin þess af Hermes að ítarleg rannsókn yrði gerð á hvernig taskan er framleidd annars mundi hún óska eftir því að taskan væri ekki lengur seld í hennar nafni.