Dagskráin í dag: Íslenskar knattspyrnuperlur og átta marka leikur Luton og Liverpool

Beinum útsendingu frá íþróttaviðburðum hefur snarfækkað vegna útbreiðslu kórónuveirunnar eins og gefur að skilja. Til að mæta því hafa Stöð 2 Sport og hliðarrásir verið dagskrársettar með nýju dagskrárefni og endursýningum af safnefni til að stytta íþróttaþyrstum stundirnar.

Allir Sportið í dag þættir vikunnar, gamlir og góðir leikir í ensku bikarkeppninni; þar á meðal leikur Luton og Liverpool frá tímabilinu 2005/2006. Topp fimm frá föstudagskvöldinu endursýndur og þáttur um ítalska boltann þar sem er rætt við Giampaolo Pazzini, fyrirliða Hellas Verona og Antonio Candreva hjá Inter og áhugaverð tölfræði tímabilsins skoðuð.

Stöð 2 Sport 2

Dominos-deildin er á Stöð 2 Sport 2 í dag. Leikir þrjú og fimm hjá í undanúrslitaviðureign Stjörnunni og ÍR frá tímabilinu fyrir tveimur árum er fylgt á eftir með úrslitaseríunni milli KR og ÍR. Útsending frá 4. leik Keflavíkur og Snæfells í úrslitaeinvígi Dominos deildar kvenna árið 2017 og Útsending frá leik 3 í úrslitaeinvígi Vals og Keflavíkur í Dominos deild kvenna árið 2019 má einnig finna á Sport 3 í dag.

Stöð 2 Sport 3

Leikur KR og Vals frá 1999, FH og Keflavíkur frá 2008 og magnaður leikur Breiðabliks og FH frá árinu 2009 er á meðal þeirra frábæru íslensku knattspyrnuleikja sem verða sýndir á Stöð Sport 3 í dag. Frá 11.55 til 17.55 má finna marga af skemmtilegustu leikjum íslenska boltans síðustu þrjá áratugi.

Stöð 2 eSport

Á Stöð 2 eSport má í dag finna stjörnum prýtt mót í eFótbolta á vegum La Liga á Spáni. Keppt er í FIFA20 en meðal keppenda eru stórstjörnur úr spænsku 1. deildinna, auk þekktra leikmanna úr NBA- og NFL-deildunum bandarísku. Einnig er sýndur úrslitaleikur Fylkis og Dusty í Vodafone-deildinni 2020 í Counter-Strike: Global Offensive.

Stöð 2 Golf

Útsending frá þriðja degi á US Open 2019 og árið 2015 gert upp á PGA mótaröðinni er að sjá á Stöð 2 Golf í dag.

Finna má alla dagskrá dagsins á vef Stöðvar 2.